اپەللياتسيا سوتى ءۇي كەزەگىنەن سەبەپسىز شىعارىلعان ايەلدىڭ قۇقىعىن قورعادى

تالاپكەر كەزەكتەن شىعارۋ تۋرالى ەشقانداي حابارلاما الماعان، ونى كەزەكتەن شىعارۋعا نەگىز بولعان جوق دەپ سانايدى. ال ءوزى 2011 -جىلى اناسىنا بەرىلگەن داۋلى پاتەردە تۇرادى.

استانا قالاسى مامانداندىرىلعان اۋدانارالىق اكىمشىلىك سوتىنىڭ 2022 -جىلعى 13-قىركۇيەكتەگى شەشىمىمەن ونىڭ تالابى قاناعاتتاندىرىلدى.

ءبىرىنشى ساتىداعى سوتتا تالاپكەردىڭ اناسى قايتىس بولعاننان كەيىن مەملەكەتتىك تۇرعىن ءۇي قورىنان باسپانا الۋعا مۇقتاج بولعانى، داۋلى پاتەردە تۇرعانى، جىل سايىن جالداۋ شارتىنىڭ ۇزارتىلعانى انىقتالدى.

جاۋاپكەرلەر ا ر پ ك قاعيداتتارىن بۇزا وتىرىپ، تالاپكەردى ءتيىستى ارىزدى جانە قۇجاتتاردى ۇسىنۋ قۇقىعىنان ايىرا وتىرىپ، كەزەكتەن شىعارۋ تۋرالى قابىلدانعان شەشىم تۋرالى ۋاقتىلى حاباردار ەتپەگەن.

وسىعان بايلانىستى ءبىرىنشى ساتىداعى سوت تۇرعىن ءۇي باسقارماسىنا تالاپكەرمەن جوعارىدا اتالعان پاتەردى جالداۋ شارتىن جاساسۋ مىندەتىن جۇكتەدى.

سەبەبى تالاپكەردىڭ مەنشىك قۇقىعىندا ءوز ءۇيى جوق، سوندىقتان تۇرعىن ءۇي الۋعا مۇقتاج ادامدارعا جاتادى.

بۇدان باسقا، تالاپكەر - جاسى بويىنشا زەينەتكەر، حالىقتىڭ الەۋمەتتىك وسال توبىنا جاتاتىن ازامات.

اپەللياتسيا ساتىسىنداعى سوتتىڭ قاۋلىسىمەن شەشىم كۇشىندە قالدى.

سوت اكتىلەرى زاڭدى كۇشىنە ەنگەن جوق.