ۇكىمەتتىڭ قازىرگى قۇرامىمەن جاڭا جىلعا اياق باسۋعا بولا ما - پرەمەر پرەزيدەنت ساۋالىنا جاۋاپ بەردى
استانا. قازاقپارات – ق ر پرەمەر-ءمينيسترى ءاليحان سمايىلوۆ ۇكىمەت وتىرىسىندا پرەزيدەنت جۇكتەگەن مىندەتتەردى ناقتى ورىنداۋعا جاۋاپكەرشىلىك الاتىنىن ءمالىم ەتتى، دەپ حابارلايدى قازاقپارات ءتىلشىسى.
ۇكىمەت باسشىسىنىڭ ايتۋىنشا، پرەزيدەنتتىڭ ۇكىمەتتىڭ كەڭەيتىلگەن وتىرىسىندا جۇكتەگەن تاپسىرمالارىن ءتيىمدى ورىنداۋ ءۇشىن جاۋاپتى باسشىلاردىڭ بارىنەن ناقتى جۇمىس كۇتىلىپ وتىر.
«مەملەكەت باسشىسى بىزدەن «جاڭا جىلعا ۇكىمەتتىڭ قازىرگى قۇرامىمەن اياق باسۋعا بولا ما؟» دەگەن ناقتى سۇراققا جاۋاپ كۇتۋدە. مەن پرەمەر- مينيستر رەتىندە پرەزيدەنت جۇكتەگەن مىندەتتەردى ورىنداۋعا ءارى ءتيىمدى شەشۋگە بار كۇشىمدى سالامىن دەپ ايتقىم كەلەدى جانە جاۋاپكەرشىلىكتى ءوز موينىما الامىن. وسىندا وتىرعان ءاربىر ۇكىمەت مۇشەسىنەن دە ناقتى جۇمىس تالاپ ەتىلەدى»، - دەدى ءاليحان سمايىلوۆ.
