اقمولا وبلىسىندا كوۆيدكە قارسى ۆاكسينا العان تۇرعىنداردىڭ سانى ارتتى

بۇل تۋرالى اقمولا وبلىستىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى ايناگۇل مۋسينا مالىمەت ەتتى، دەپ حابارلايدى قازاقپارات ءتىلشىسى.

ءوڭىردىڭ باس مەملەكەتتىك سانيتارلىق دارىگەرىنىڭ ايتۋىنشا، كوروناۆيرۋس ينفەكتسياسىنا قارسى ۆاكتسينا الاتىنداردىڭ قاتارىندا 12 دەن 17 جاسقا دەيىنگى جاسوسپىرىمدەر، جۇكتى ايەلدەر - جۇكتىلىكتىڭ 16 دان 37 شى اپتاسىنا دەيىن، لاكتاتسيا كەزەڭىندەگى ايەلدەر-بوسانعاننان كەيىنگى كەزەڭ اياقتالعاننان كەيىن (42 كۇننەن كەيىن) 2 جاسقا تولعانعا دەيىن، سونداي-اق ءبىرىنشى، ەكىنشى جانە ءۇشىنشى توپتاعى مۇمكىندىگى شەكتەۋلى جاندار بار.

«2021 -جىلدىڭ اقپان ايىنان باستاپ ايماقتا اقمولا وبلىسىندا 364846 ادام كوۆيدكە قارسى ۆاكتسينانىڭ ءبىرىنشى كومپونەنتىن الدى، بۇل - ءوڭىر حالقىنىڭ 46,5 پايىزى. ال ەكىنشى كومپونەنتىن العاندارى سانى 353027 ادامدى نەمەسە وبلىس حالقىنىڭ 48,1 پايىزىن قۇرادى»، - دەدى ايناگۇل مۋسينا.

بۇگىنگى تاڭدا وبلىستا QazVac, Vero Cell, V سپۋتنيگى جانە Comirnaty Pfizer ۆاكتسينالارىمەن ريەۆاكتسيناتسيادان ءوتۋ مۇمكىندىگى بار.

«اقمولا وبلىسىندا Comirnaty Pfizer ۆاكسيناسىنىڭ ءبىرىنشى كومپونەنتىن 17599 ادام نەمەسە ءتيىستى حالىقتىڭ 26,6 پايىزى الدى، ونىڭ ىشىندە 348 جۇكتى، 3267 بالا ەمىزەتىن ايەل، 9779 جاس ءوسپىرىم بار. بۇل ۆاكسينانىڭ ەكىنشى دوزاسىن 16964 (25,7 پايىز) الدى. ال، جالپى، رەۆاكسيناتسيادان وتكەندەر سانى 220 مىڭ ادامدى قۇرادى. ۆاكسيناعا جاعىمسىز رەاكسيالار تىركەلمەگەن»، - دەپ تۇيىندەدى ايناگۇل مۋسينا.

ايتا كەتسەك، اقمولا وبلىسىندا تسەربەر كوروناۆيرۋسىنىڭ جاڭا شتاممى انىقتالدى.