پرەزيدەنت سايلاۋى: قازاقستاندىقتار ەلەكتروندى قۇجات ارقىلى داۋىس بەرە الادى
«قازىر قازاقستاندىقتاردىڭ اراسىندا سيفرلىق قۇجاتتى قولدانۋ ۇلكەن سۇرانىسقا يە. ول قۇجاتتىڭ ءتۇپ نۇسقاسىنىڭ انالوگى. سوندىقتان ازاماتتار سايلاۋدا EGOV mobile، Kaspi جانە Halyk بانكىنىڭ موبيلدى قوسىمشالارى ارقىلى سيفرلىق كۋالىكتى پايدالانا الادى. ياعني داۋىس بەرۋشى جەكە باسىن كۋالاندىراتىن قۇجاتتىڭ ەلەكتروندىق نۇسقاسىن ۇسىنۋعا قۇقىلى. سايلاۋ كوميسسياسىنىڭ مۇشەلەرى سايلاۋشىلار تىزىمدەرى نەگىزىندە ەلەكتروندى كۋالىكتى ۇسىنعان كەزدە سايلاۋشىعا داۋىس بەرۋگە ارنالعان بيۋللەتەن بەرۋگە مىندەتتى»، - دەدى ق ر ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ كوميسسيا وتىرىسىندا.
ايتا كەتسەك، بۇگىن ساعات 18:00 دە پرەزيدەنت سايلاۋىنا حالىقارالىق بايقاۋشىلاردى اككرەديتتەۋ اياقتالدى.
سونداي-اق، و س ك بىرنەشە حالىقارالىق ۇيىمى اتىنان تىركەلگەن 2 بايقاۋشىنى اككرەديتتەۋدى توقتاتتى.
