الماتى - احمەت بايتۇرسىن ۇلىنىڭ ومىرىندە ۇلكەن ورىن العان قالا - پروفەسسور
بۇل تۋرالى حالىقارالىق عىلىمي-تاجىريبەلىك كونفەرەنسيادا پروفەسسور، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ ايتتى دەپ حابارلايدى قازاقپارات ءتىلشىسى.
«احاڭنىڭ قايراتكەرلىك قىزمەتىنىڭ سوڭعى كەزەڭى، ءتىپتى قۋعىن-سۇرگىنگە ۇشىراپ، اتىلعانعا دەيىنگى كەزەڭنىڭ بارلىعى الماتىدا وتكەن. الماتىدا احاڭنىڭ تۇرعان ءۇيى بار. قازاقشا ايتقاندا، الماتى - احاڭنىڭ تابانىنىڭ ءىزى قالعان، تەرى سىڭگەن، قايراتكەرلىك قىزمەتى وتكەن قالا. سوندىقتان الماتى قالاسىنىڭ احاڭنىڭ مەرەيتويىندا الاتىن ماڭىزى جوعارى بولۋ كەرەك»، - دەدى عالىم.
ونىڭ ايتۋىنشا، احمەت بايتۇرسىن ۇلى قىزمەتىندە ءالى زەرتتەيتىن، سىرى مەن قىرى اشىلماعان ماسەلەلەر كوپ.
«ماسەلەن، احاڭنىڭ قازاقتىڭ جالپى ۇلتتىق يدەولوگياسىن جاساۋداعى، جالپى تۇركولوگيا ماسەلەسىندەگى ۇلكەن ورنى ءالى كۇنگە دەيىن تولىق زەردەلەنىپ بىتكەن جوق. وسىعان وراي، ءبىزدىڭ م. اۋەزوۆ اتىنداعى ادەبيەت جانە ونەر ينستيتۋتى احمەت بايتۇرسىن ۇلىنىڭ شىعارمالارىنىڭ اكادەميالىق تولىق شىعارمالار جيناعىن دايىندادى، ول جاقىندا باسىلىپ شىعادى. ايتۋ كەرەك، احاڭنىڭ شىعارمالارى ءالى تولىق جينالىپ بىتكەن جوق. ونىڭ تابىلماعان، ءالى جاريالانباعان ەڭبەكتەرى بار. مىسالى، سوڭعى كەزدە ونىڭ لەنينگە جازعان ءۇش حاتى تابىلدى. وسى ءۇش حاتتىڭ وزىنەن احاڭنىڭ ۇلتتىق ۇستانىمى، ساياسي كوزقاراسى، ايقىن، اشىق كورىنەدى»، - دەدى كەنجەحان ماتىجانوۆ.
