قۋات حاميتوۆ چەمپيوندىق تيتۋل ءۇشىن جەكپە- جەك وتكىزەدى

استانا. قازاقپارات - ارالاس جەكپە- جەك شەبەرى قۋات حاميتوۆ ءوزىنىڭ كەلەسى ايقاسى تۋرالى ءمالىم ەتتى، دەپ حابارلايدى قازاقپارات.

«رەسمي تۇردە! 28-قازاندا TOP Fight چەمپيونى اتاعى ءۇشىن تيتۋلدىق جەكپە- جەك وتەدى»، - دەپ جازدى قازاقستاندىق سپورتشى ءوزىنىڭ Instagram-پاراقشاسىندا.

«نايمان» لاقاپ اتىمەن تانىمال قۋات حاميتوۆتىڭ ماسكەۋدە وتەتىن جەكپە- جەگىندەگى قارسىلاسى ارميان فايتەرى داۆيد حاچاتريان بولماق.

ەسكە سالايىق، قۋات حاميتوۆ مۇنىڭ الدىنداعى جەكپە- جەگىن 10-قىركۇيەك كۇنى اتىراۋداعى Mergen Fighting Championship 3 تۋرنيرىندە وتكىزگەن ەدى. ول رەسەيلىك ۆاسيلي بابينتسيەۆتى ءبىرىنشى راۋندتا تۇنشىقتىرۋ ادىسىمەن جەڭدى.