انگەلا مەركەلگە نانسەن سىيلىعى بەرىلدى
بۇل جولى قۇرمەتتى سىيلىق انگەلا مەركەلگە بەرىلدى، دەپ حابارلايدى قازاقپارات بۇۇ جاڭالىقتار سايتىنا سىلتەمە جاساپ.
2015- 2016 -جىلدارى مەركەل گەرمەنيا كانسلەرى قىزمەتىندە بولعاندا سيريادا قاقتىعىس ايماعىندا قالعان 1,2 ميلليوننان استام بوسقىنعا گەرمانيادان پانا الۋعا مۇمكىندىك بەرەتىن ءبىرقاتار ماڭىزدى شەشىمدەر قابىلدادى. سول كەزىندەگى قيىندىقتارعا قاراماستان، انگەلا مەركەل نەمىس حالقىن «وزىنە سەنىمدى جانە ەركىن، اشىق جانە جاناشىرلىققا دايىن» بولۋعا جانە بوسقىندارعا كومەكتەسۋگە شاقىرعان ەدى.
ب ۇ ۇ-نىڭ بوسقاندار تۋرالى ۇيىمى نورۆەگيالىق زەرتتەۋشى، عالىم، ديپلومات جانە گۋمانيست فريتوف نانسەننىڭ قۇرمەتىنە تاعايىندالعان سىيلىقتى جىل سايىن ۇسىنادى. ونىڭ لاۋرەاتى تەك ءبىر ادام، ادامدار توبى نەمەسە ۇيىم بولۋى مۇمكىن.
باستى شارت - بوسقىندار، قونىس اۋدارعاندار نەمەسە ازاماتتىعى جوق ادامداردىڭ قۇقىقتارىن قورعاۋعا ەرەكشە ۇلەس قوسۋ. ب ۇ ۇ- نىڭ بوسقىندار ءىسى جونىندەگى جوعارعى كوميسسارى فيليپپو گراندي مەركەلدىڭ باسپانا ىزدەۋشىلەردى قورعاۋعا جانە ادام قۇقىقتارىن، گۋمانيتارلىق قاعيداتتاردى جانە حالىقارالىق قۇقىقتى ساقتاۋ جىگەرىنە جوعارى باعا بەردى.
