جەر استى تەڭىزدەرى پلانەتانى تولىعىمەن باسۋى مۇمكىن – جالعان

جەر استىندا 1,5 شاقىرىم تەرەڭدىكتە قايناعان مۇحيتتار تابىلعان، ولاردىڭ سۋى جەر بەتىنە كوتەرىلۋى ىقتيمال. بۇل مۇمكىن ەمەس، دەپ حابارلايدى stopfake.kz سايتى.

جەر استىنداعى سۋدىڭ ۇلكەن ماسساسى تابىلعانى تۋرالى اقپارات Science عىلىمي جۋرنالىندا 2014 -جىلدىڭ ماۋسىم ايىندا جاريالاندى. الايدا، 1,5 شاقىرىم تەرەڭدىكتە قايناعان ماسسا تۋرالى ايتىلعان جوق. بىرىنشىدەن، بۇل سۋ جەر مانتياسىندا، ياعني 700-دەن 1400 شاقىرىمعا دەيىنگى تەرەڭدىكتە ورنالاسقان. ەكىنشىدەن، جەر استى تەڭىزدەرى جەر بەتىندەگى تەڭىزدەرگە ۇقسامايدى. جەر استىنداعى ىلعال ەرەكشە مينەرال - رينگۆۋديتكە جاتادى. بۇل جوعارى تەمپەراتۋرادا عانا جانە جەر مانتياسىنىڭ قىسىمىمەن پايدا بولاتىن اشىق كوك ءتۇستى جىنىس. ول مەتەوريتتەردە دە بولادى.

رينگۆۋديتتىڭ ۇلكەن جەراستى جارتاستارىنداعى سۋ كەنى سەيسميكالىق تولقىنداردى زەرتتەيتىن ەكى ءجۇز سەيسموگرافتىڭ كومەگىمەن انىقتالدى. عالىمدار بۇل تولقىنداردىڭ جىلدامدىعىن ءارتۇرلى تەرەڭدىكتە ولشەي وتىرىپ، ولاردىڭ كەيبىر جەرلەردە باياۋلايتىنىن بايقادى. تولقىنداردىڭ ىلعالدى تاۋ جىنىستارىنان وتۋىنە كوپ ۋاقىت قاجەت بولاتىندىقتان، عالىمدار ولار باياۋلايتىن جەردە سۋى بار رينگۆۋديت ورنالاسقان دەگەن قورىتىندىعا كەلدى.

ياعني، جەر استى تەڭىزدەرى جاي كوتەرىلە المايدى، ويتكەنى جەر مانتياسىنداعى سۋ تاسىمايدى، ول سيرەك كەزدەسەتىن مينەرالداردىڭ بىرىندە بولادى. دەمەك، تارالعان تەوريا عىلىمعا قارسى جانە وعان سەنۋدىڭ قاجەتى جوق.