مەملەكەت باسشىسى باكۋدە يلحام اليەۆپەن كەزدەستى
قازاقستان پرەزيدەنتى ازەربايجان رەسپۋبليكاسىنا رەسمي ساپارمەن كەلۋگە شاقىرعانى ءۇشىن يلحام اليەۆكە العىس ايتتى.
«ەڭ الدىمەن بىزگە كورسەتكەن قوناقجايلىعىڭىز ءۇشىن سىزگە ريزاشىلىعىمدى بىلدىرەمىن. بۇل - قازاقستان پرەزيدەنتى رەتىندە العاش رەت رەسمي ساپارمەن كەلۋىم. بۇل ساپاردىڭ مەن ءۇشىن ءمان- ماڭىزى ايرىقشا. بۇگىن ءبىرقاتار وتە وزەكتى ماسەلەلەر تۋرالى پىكىر الماسۋلار بولادى. كەلىسسوزدەر ناتيجەسىندە ءبىرقاتار قۇجاتقا قول قويىلماق. ول ەكىجاقتى ىنتىماقتاستىقتى، قازاق- ازەربايجان قارىم- قاتىناسىن جاڭا دەڭگەيگە كوتەرەدى دەپ سەنەمىن»، - دەدى قاسىم-جومارت توقايەۆ.
يلحام اليەۆ ءوزىنىڭ شاقىرۋىن قابىل الىپ، ازەربايجانعا رەسمي ساپارمەن كەلگەنى ءۇشىن قاسىم- جومارت توقايەۆقا ريزاشىلىعىن ءبىلدىرىپ، قازاقستان پرەزيدەنتىنىڭ باكۋعا كەلۋى ەكى ەل اراسىنداعى ىنتىماقتاستىققا تىڭ سەرپىن بەرەتىنىن اتاپ ءوتتى.
بۇعان دەيىن حابارلاعانىمىزداي، مەملەكەت باسشىسى قاسىم-جومارت توقايەۆ رەسمي ساپارمەن ازەربايجانعا باردى. باكۋ اۋەجايىندا قازاقستان پرەزيدەنتىن ازەربايجان پرەمەر-ءمينيسترىنىڭ ءبىرىنشى ورىنباسارى ياگۋب ەيۋبوۆ پەن سىرتقى ىستەر ءمينيسترىنىڭ ورىنباسارى حالاف حالافوۆ كۇتىپ الدى.
