شىمكەنتتە جالعان پوليتسەي ۇستالدى
رەسپۋبليكا كوشەسىنىڭ بويىندا جۇرگىزىلگەن رەيدتىك ءىس- شارالار كەزىندە پوليتسيا قىزمەتكەرلەرىنىڭ نازارىن فورماداعى جاس جىگىت اۋدارعان. ءتارتىپ ساقشىلارى كۇدىكتىنى تەكسەرۋ بارىسىندا ودان ءال-فارابي اۋداندىق پوليتسيا باسقارماسى جپقب ۋچاسكەلىك ينسپەكتورىنا تيەسىلى جالعان قىزمەتتىك كۋالىكتى تاركىلەگەن. سونداي-اق، تەرگەۋ بارىسىندا ەر ادامنىڭ فورمانى قالاداعى دۇكەندەردىڭ بىرىنەن العانى انىقتالدى.
«اتالعان فاكتى ق ك-تىڭ 390-بابىمەن (بيلىك وكىلىنىڭ نەمەسە جاۋاپتى مەملەكەتتىك لاۋازىمدى اتقاراتىن لاۋازىمدى ادامنىڭ اتاعىن ءوز بەتىمەن يەمدەنىپ الۋ) تىركەۋگە الىنىپ، سوتقا دەيىنگى تەرگەۋ ارەكەتتەرى جۇرگىزىلۋدە. كۇدىكتى كۋالىك مۇقاباسىن ساتىپ الىپ، كەيىننەن پوليتسيا قىزمەتكەرى كۋالىگىنىڭ ۇلگىسىن الىپ، سوعان ۇيلەستىرە ءوز اتىنا جاساعان. قۇجاتتا ءوزىن ۋچاسكەلىك ينسپەكتور دەپ كورسەتكەن. ءتىپتى فوتوشوپ ارقىلى وزىنە پوليتسيا كيىمىن كيگىزگەن» - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
ۇستالعان ازامات بۇرىن-سوڭدى سوتتى بولماعان. ونىڭ تۇركىستان وبلىسىنىڭ 19 جاستاعى تۇرعىنى ەكەنى بەلگىلى بولدى. قازىرگى تاڭدا پوليتسەيلەر ازاماتتىڭ ءتارتىپ ساقشىسىنىڭ فورماسىن نە ءۇشىن جانە قانداي ماقساتتا كيگەنىن انىقتاۋدا.