سەگىز وبلىس پەن ەلوردادا اۋا رايىنا بايلانىستى ەسكەرتۋ جاسالدى

نۇر-سۇلتان. قازاقپارات - قازاقستاننىڭ سەگىز وبلىسىندا اۋا رايىنا قاتىستى ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

10- تامىز كۇندىز باتىس قازاقستان وبلىسىنىڭ سولتۇستىك-شىعىسىندا كۇن كۇركىرەپ، بۇرشاق جاۋۋى مۇمكىن. سولتۇستىك-شىعىس، شىعىستان جەل سوعىپ، نايزاعاي جارقىلدايدى، جەل ەكپىنى 15-20 م/س دەيىن جەتۋى ىقتيمال. كۇندىز وبلىستىڭ وڭتۇستىگىندە كۇن 36 گرادۋسقا دەيىن ىسيدى. ورالدا كۇندىز نايزاعاي جارقىلدايدى. سولتۇستىك-شىعىس، شىعىستان جەل سوعادى، نايزاعاي كەزىندە ەكپىنى 18 م/س جەتەدى.

10- تامىز تۇندە اتىراۋ وبلىسىنىڭ سولتۇستىك، شىعىس، وڭتۇستىگىندە نايزاعاي كۇتىلەدى. كۇندىز 37 گرادۋس ىستىق بولادى. وبلىستىڭ سولتۇستىگىندە ءورت شىعۋ قاۋپى ساقتالادى. اتىراۋ قالاسىندا 10- تامىزدا كۇندىز 36 گرادۋس ىستىق ساقتالادى.

10- تامىزدا تۇركىستان وبلىسىنىڭ سولتۇستىگىندە، تاۋلى ايماقتارىندا نايزاعاي ويناپ، شاڭدى داۋىل سوعادى، سولتۇستىك-شىعىستان 15-20 م/س جىلدامدىقپەن جەل سوعادى. وبلىستىڭ وڭتۇستىگى مەن شىعىسىندا ءورت شىعۋ قاۋپى ساقتالادى.

سول كۇنى قىزىلوردا وبلىسىندا سولتۇستىكتەن جەل سوعىپ، كۇندىز وبلىس ورتالىعىندا جەل جىلدامدىعى 15-20 م/س دەيىن جەتەدى. اۋداننىڭ باسىم بولىگىندە، قىزىلوردادا توتەنشە ءورت شىعۋ قاۋپى ساقتالادى.

10- تامىزدا اقمولا وبلىسىنىڭ وڭتۇستىك، شىعىسىندا، ورتالىعىنىڭ كەي جەرلەرىندە قاتتى جاڭبىر، نايزاعاي، بۇرشاق جاۋۋى ىقتيمال. تۇندە جانە تاڭەرتەڭ وبلىستىڭ سولتۇستىك-باتىسى مەن وڭتۇستىك-شىعىسىندا تۇمان تۇسەدى. سولتۇستىك-شىعىستان جەل سوعىپ، كۇندىز وبلىستىڭ سولتۇستىك-باتىسىندا، وڭتۇستىگىندە، شىعىسىندا جەل ەكپىنى 15-20 م/س دەيىن جەتەدى.

10- تامىزدا قاراعاندى وبلىسىنىڭ سولتۇستىگىندە، شىعىسىندا جانە وڭتۇستىگىندە نايزاعاي جارقىلدايدى. تۇندە جانە تاڭەرتەڭ وبلىستىڭ سولتۇستىگىندە تۇمان تۇسەدى. سولتۇستىك- شىعىس، شىعىستان جەل سوعىپ، نايزاعاي كەزىندە ەكپىنى 17-22 م/س جەتەدى. 10- تامىزدا قاراعاندى قالاسىندا نايزاعاي وينايدى. سولتۇستىك-شىعىس، شىعىستان جەل سوعادى، نايزاعاي كەزىندە ەكپىنى 17 م/س دەيىن جەتۋى ىقتيمال.

10- تامىزدا پاۆلودار وبلىسىنىڭ وڭتۇستىگىندە قاتتى جاڭبىر جاۋىپ، وبلىستىڭ وڭتۇستىگى مەن باتىسىندا كۇن كۇركىرەيدى. سولتۇستىك-شىعىستان جەل سوعىپ، كۇن كۇركىرەيدى، جەل ەكپىنى 15-20 م/س دەيىن جەتەدى. 10- تامىزدا پاۆلودار قالاسىندا نايزاعاي وينايدى. سولتۇستىك-شىعىستان جەل سوعىپ، كۇن كۇركىرەيدى، جەل ەكپىنى 15-20 م/س دەيىن جەتەدى.

10- تامىزدا سولتۇستىك قازاقستان وبلىسىنىڭ باتىس، شىعىسىندا، كۇندىز سولتۇستىك، باتىس، وڭتۇستىگىندە نايزاعاي وينايدى. كۇندىز وبلىستىڭ باتىسى مەن وڭتۇستىگىندە بۇرشاق جاۋۋى ىقتيمال. تۇندە جانە تاڭەرتەڭ وبلىستىڭ سولتۇستىگىندە تۇمان تۇسەدى. سولتۇستىك، سولتۇستىك- شىعىستان سوعاتىن جەل ەكپىنى كۇندىز وبلىستىڭ سولتۇستىگىندە، باتىسىندا، وڭتۇستىگىندە 15-20 م/س دەيىن جەتەدى. پەتروپاۆل قالاسىندا 10- تامىزدا كۇندىز نايزاعاي جارقىلدايدى. سولتۇستىك، سولتۇستىك-شىعىستان سوعاتىن جەلدىڭ ەكپىنى كۇندىز 15-20 م/س دەيىن جەتۋى مۇمكىن.

10- تامىزدا نۇر-سۇلتاندا قاتتى جاڭبىر جاۋادى. كۇندىز نايزاعاي، بۇرشاق جاۋادى. تۇندە جانە تاڭەرتەڭ تۇمان تۇسەدى. سولتۇستىك-شىعىستان سوعاتىن جەل جىلدامدىعى كۇندىز 15-20 م/س دەيىن بولادى.