11:54, 05 - تامىز 2022 | GMT +5
ۇزىناعاشتاعى اتىستان ەكى ادام جارالانىپ، بىرەۋى كوز جۇمدى
قونايەۆ. قازاقپارات - الماتى وبلىسىنداعى جامبىل اۋدانىنىڭ ورتالىعى ۇزىناعاشتا اتىس بولىپ، 3 ادام اۋرۋحاناعا ءتۇستى. ولاردىڭ ءبىرى قايتىس بولدى، دەپ حابارلايدى قازاقپارات ءتىلشىسى.
«4-تامىز كۇنى ساعات 16:20-دا ۇزىناعاش اۋرۋحاناسىنا وق تيگەن ءۇش ادام ءتۇستى. ونىڭ بىرەۋى جانساقتاۋ بولىمىندە كوز جۇمدى. پوليتسيا بىردەن ءمان-جايدى انىقتاپ، اتالعان قىلمىسقا قاتىسى بار ادامداردى ىزدەۋگە كىرىستى. قازىر ولاردى ۇستاۋ بويىنشا جۇمىستار جۇرگىزىلىپ جاتىر. الدىن الا انىقتالعانداي، كيكىلجىڭ جەرگىلىكتى تۇرعىنداردىڭ اراسىندا بولعان»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
اۆتور سامال قابىشەۆا
