قاراعاندىلىق جاس دومبىراشى گرۋزيادا وتكەن حالىقارالىق بايقاۋدا باس جۇلدەنى جەڭىپ الدى
ول دومبىرامەن التى جاسىنان باستاپ اينالىسادى، دەپ حابارلايدى وبلىستىق اكىمدىكتىڭ باسپا ءسوز قىزمەتى.
- مەن قاراعاندى مامانداندىرىلعان مۋزىكا مەكتەپ-ينتەرناتىندا دومبىرامەن ءان ايتۋ سىنىبىندا وقيمىن. مەنىڭ جەتەكشىم - ازامات تۇسىپبەكوۆ. كوپتەگەن وبلىستىق، رەسپۋبليكالىق جانە حالىقارالىق بايقاۋلار مەن فەستيۆالدارعا، سونداي-اق «قازاقستان داۋىسى» جوباسىنا قاتىسىپ، جۇلدەلى ورىندارعا يە بولدىم، - دەيدى ايبەك قاسىمحانوۆ.
گرۋزياداعى حالىقارالىق بايقاۋعا جاس مۋزىكانت تۇركياداعى جەڭىستەن كەيىن جولداۋ العان.
- وتكەن جىلى مەن الماتىدا وتكەن حالىقارالىق بايقاۋعا قاتىسىپ، وندا ءبىرىنشى ورىن الدىم، ماعان تۇركياعا جولداما بەرىلدى. مەن وندا دا ءبىرىنشى بولىپ، گرۋزيادا وتەتىن حالىقارالىق مۋزىكالىق بايقاۋعا قاتىسۋعا شاقىرتۋ الدىم. شىلدە ايىنىڭ سوڭىندا ول جەرگە بارىپ، ساتتىلىك سەرىگىم بولدى: مەن گران-پري جەڭىپ الدىم. كەلەسى جىلى مەن تاعى دا گرۋزياداعى مۋزىكالىق جارىسقا قاتىسۋدى جوسپارلاپ وتىرمىن، ويتكەنى مەن سەرتيفيكات جەڭىپ الدىم. بولاشاقتا ءوز ءومىرىمدى مۋزىكامەن بايلانىستىرعىم كەلەدى. دومبىرا مەن ءداستۇرلى حالىق اندەرىن دارىپتەيمىن. مەكتەپتى بىتىرگەننەن كەيىن الماتىداعى قازاق ۇلتتىق ونەر اكادەمياسىنا وقۋعا ءتۇسۋ جوسپاردا بار، - دەپ ءبولىستى دومبىراشى.
ايبەك قاسىمحانوۆ نەگىزىنەن حالىق اندەرىن ورىندايدى. تۇركيا مەن گرۋزياداعى بايقاۋلاردا ول «باستاۋ» مەن «حالاۋلىم» تۋىندىلارىن شىرقادى.
ايبەك قاسىمحانوۆتىڭ ەسىمى «قازاقستاننىڭ التىن بالالارى» كىتابىنا ەندى.
