شىمكەنتتە كاسىپ اشامىن دەپ قايتارىمسىز قارجى العاندار اقشاعا توي جاساعان
ولار قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ جانىنان قۇرىلعان تالداۋ مانيتورينگىنىڭ تەكسەرىسى بارىسىندا انىقتالدى.
اقشانى العاندار نەسيەسىن جاۋىپ، توي جاساعان. بىلتىر «باستاۋ بيزنەس» ارقىلى جاستارعا باسىمدىق بەرىلىپ، 784 ادامعا 585 مىڭ تەڭگە كولەمىندە قارجى بەرىلگەن. ولار ءوز جوباسىن قورعاۋ كەزىندە مال باسىن كوبەيتىپ، نان ونىمدەرىن شىعارىپ، تىگىنشىلىكپەن اينالىساتىنىن ايتقان ەكەن. قازىنا قارجىسىن ماقساتسىز جۇمساعاندار العاشقى ەسكەرتۋدەن كەيىن اقشانى كەرى قايتارعان. سوندىقتان ەرەجە بويىنشا جاۋاپكەرشىلىكتەن بوساتىلدى.
بيىل بۇل باعدارلاما ارقىلى 1 مىڭ 150 ادامعا 400 ايلىق ەسەپتىك كورسەتكىش مولشەرىندە قارجى قارالعان.
بالمارجان ناربەكوۆا، قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى:
- مەملەكەتتىڭ قاراجاتى بولعاندىقتان بۇل وتە ۇلكەن جاۋاپكەرشىلىكتى تالاپ ەتەدى. بۇل قارجى جاڭاعىداي باسقا دا ماقسات تا جۇمسالۋعا كوزدەلمەگەن. ءبىراق جاڭاعىداي كرەديت قايتارۋ، قارىز جابۋ سياقتى تاعى باسقا ماقساتتا 23 ازامات بىلتىر انىقتالدى. قازىرگى كەزدە بۇل قاراجات مەملەكەت قازىناسىنا قايتارىلدى.
