جويىلىپ كەتكەن وسىمدىكتەر قايتا تىرىلمەك

نۇر-سۇلتان.قازاقپارات - بۇگىندە سيۆەرس جانە نەدزۆەتسكيي جابايى المالارى ەلورداداعى بوتانيكالىق باقتىڭ سانىنە اينالعان.

بۇل جەمىس اعاشتارى اشىق اسپان استىنداعى باققا وتىرعىزىلماس بۇرىن بىرنەشە كەزەڭدىك زەرتتەۋ مەن كۇتىمنەن وتكەن. ۇلتتىق بيوتەحنولوگيا ورتالىعىنىڭ عالىمدارى وسكىندەردى قورشاعان ورتانىڭ قولايسىز فاكتورلارىنا ءتوزىمدى ەتىپ شىعارعان.

اينۇر قۋات قىزى:

- بۇل تەك ورتالىق ازيادا، ونىڭ ىشىندە تەك ىلە الاتاۋىنىڭ ەتەگىندە عانا وسەتىن سيۆەرس الماسى. جالپى الما اتاۋىلىنىڭ اتاسى اتالاتىن سيۆەرس اعاشى قىزىل كىتاپقا ەنگىزىلگەن. جويىلىپ كەتۋدىڭ از- اق الدىندا تۇرعان جەمىس اعاشىن عالىمدار وسى وڭىرگە جەرسىندىرىپ جاتىر.

الماگۇل كاكىمجانوۆا، بيولوگيا عىلىمدارىنىڭ دوكتورى:

- 2018 -جىلى وسى بوتانيكالىق باققا نەدۆەتسكيي الماسىن بەردىك. قازىر جاقسى ءوسىپ جاتىر. ءبىز قازىرگى ءبىزدىڭ ءادىسىمىز ينۆيترو جاعدايىندا، كلانالدى ءادىستى قولدانىپ جاتىرمىز. ەۋروپادا دا وسى ءادىستى قولدانىپ جويىلىپ بارا جاتقان وسىمدىكتى كوبەيتەدى. «قىزىل كىتاپقا» ەنگەن وسىمدىكتەردى كوبەيتۋمەن قاتار ولاردى جەرسىندىرۋ اسقان ىجداقاتتىلىقتى تالاپ ەتەدى. جىلىجايدان اشىق ءتالىمباققا شىققان وسكىندەردىڭ كوبى ءوسىپ- ونۋگە قابىلەتتى. سەبەبى، توپىراققا ءتۇرلى وسىمدىك اۋرۋلارىنان تازا كۇيىندە وتىرعىزىلادى، دەيدى ماماندار.

ساۋلە مىقتىبايەۆا، بوتانيكالىق باقتىڭ ديرەكتورى:

- ءبىز ەلىمىزدىڭ بارلىق بيولوگ ماماندارىمەن تىعىز بايلانىستامىز. ەلورداداعى بيوتەحنولوگيا ورتالىعىنىڭ عالىمدارى زەرتتەۋدەن وتكىزگەن ءبىرقاتار جەمىس اعاشتارىن ءبىزدىڭ باققا بەردى. مىسالى، نەدۆەتسكي الماسى ءبىزدىڭ باققا جەرسىنىپ، جەمىس بەرە باستادى. ول نەگىزىنەن قىرعىزستان، قىتاي ەلدەرىندە، جوڭعار الاتاۋى مەن ىلە الاتاۋىندا وسەتىن اعاش. بۇگىندە باس شاھارداعى بوتانيكالىق باقتىڭ عىلىمي اۋماعىنا المانىڭ 20 دان استام ءتۇرى جەرسىنىپ، جەمىس بەرە باستاعان. بۇل عانا ەمەس، مۇندا جىلى جاقتا عانا ءونىم بەرەتىن تروپيكالىق جانە سيرەك كەزدەسەتىن وسىمدىكتەر قورى بار. ساياباق ماماندارى، عىلىمي باقتى كەلەشەكتە الىپ ساياباققا اينالدىرامىز دەپ وتىر.

اۆتورلارى: اينۇر قۋات قىزى اسحات قاراقويشى

www.24.kz