ابىلايحان ءجۇسىپوۆتىڭ كاسىپقوي بوكستاعى الداعى جوسپارى بەلگىلى بولدى

نۇر-سۇلتان. قازاقپارات - بوكستان قازاقستان قۇراماسىنىڭ بۇرىنعى كاپيتانى، قازىرگى ۋاقىتتا كاسىپقوي بوكستا جارتىلاي ورتا سالماقتا ونەر كورسەتىپ جۇرگەن ابىلايحان ءجۇسىپوۆ (2-0، 1 ك و) تاعى ءبىر قازاقستاندىق دانيلا سەمەنوۆپەن (5-0، 2 ك و) بىرگە ا ق ش جەرىندە جاتتىعۋ جۇمىستارىن ىستەپ جاتىر، دەپ جازادى Vesti.kz ءتىلشىسى.

دەرەككوزدىڭ اقپاراتى بويىنشا، Suleimen Promotion كومپانياسىنىڭ بوكسشىلارى تامىز ايىنىڭ ورتاسىندا الداعى ايقاستارىنا دايىندىقتىڭ ەكىنشى كەزەڭىن باستايدى.

ا ق ش جەرىندە ولار بەك نۇرماعانبەت (7-0، 5 ك و)، ەۆگەني پاۆلوۆ (7-0، 5 ك و) جانە ءابىلحان امانقۇلداردىڭ (1-0، 1 ك و) قاتارىنا قوسىلادى.

ال ءجۇسىپوۆ ءوزىنىڭ كەلەسى كەزدەسۋىن دە ا ق ش- تا وتكىزەدى.

ەسكە سالايىق، ءجۇسىپوۆ ا ق ش جەرىندە ءبىر كەزدەسۋ وتكىزدى. وتانداسىمىز مەكسيكالىق ەدگار راميرەسكە (18-21-1، 14 ك و) قارسى جەكپە-جەكتە قارسىلاسىن ءبىرىنشى راۋندتا نوكاۋتقا جىبەردى.