د د س ۇ باسشىسى تەدروس گەبرەيەسۋس الماتىعا كەلدى - فوتو
ول قازاقستانعا بەيرەسمي ساپارمەن كەلگەنى بەلگىلى بولدى. قازاقستاندا ونىڭ قۇدالارى تۇراتىنى بەلگىلى.
تەدروس ادحانوم گەبرەيەسۋس بۇگىن قازاقستاننىڭ جەتەكشى مەديتسينالىق ۋنيۆەرسيتەتى - اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنە (قاز ۇ م ۋ) بارعان.
اسفەندياروۆ اتىنداعى قاز ۇ م ۋ باسپا ءسوز قىزمەتى مالىمەتىنشە، مەديتسينالىق ۋنيۆەرسيتەتتە دەنساۋلىق ساقتاۋ ءمينيسترى اجار عينيات د د س ۇ باسشىسىن قارسى العان. د د س ۇ باس ديرەكتورى ۋنيۆەرسيتەتتىڭ قۇرمەتتى قوناقتارى كىتابىنا ەستەلىك جازبا قالدىردى. اكادەميك شارمانوۆ اتىنداعى داڭق زالىندا تەدروس گەبرەيەسۋس قازاقستاندىق عىلىم مەن مەديتسينانىڭ جەتەكشى قايراتكەرلەرى - قاز ۇ م ۋ پروفەسسورلارىمەن كەزدەستى، الەمدەگى ەپيدەميولوگيالىق جاعدايدىڭ دامۋى تۋرالى سۇراقتارعا جاۋاپ بەردى.
قاز ۇ م ۋ رەكتورى مارات شورانوۆ د د س ۇ باسشىسىنا قازاقستاننىڭ جەتەكشى مەديتسينالىق ۋنيۆەرسيتەتىنە كەلگەنى ءۇشىن العىسىن ءبىلدىردى.
«دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى لاۋازىمىنا ەكىنشى مەرزىمگە سايلانۋىڭىزبەن قۇتتىقتايمىز. پاندەميانىڭ العاشقى كۇندەرىنەن باستاپ د د س ۇ مۇشە مەملەكەتتەرگە قولداۋ كورسەتىپ كەلەدى. مەملەكەتىمىزدىڭ باسشىسى قاسىم- جومارت توقايەۆ 2021 -جىلى سىزبەن ونلاين كەزدەسۋىندە جانە د د س ۇ اسسامبلەياسىندا سويلەگەن سوزىندە پاندەميا كەزىندە قازاقستانعا كورسەتكەن كومەگىڭىزدى جوعارى باعالايتىنىن ايتقان. ول كەزدە مەن دەنساۋلىق ساقتاۋ ۆيتسە- ءمينيسترى بولىپ جۇمىس ىستەدىم، سىزگە جانە ءسىزدىڭ ۇجىمعا العىسىمدى قابىل الىڭىزدار»، - دەدى قاز ۇ م ۋ رەكتورى.
مەديتسينالىق ۋنيۆەرسيتەتتىڭ باسپا ءسوز قىزمەتى مالىمەتىنشە، بۇعان دەيىن د د س ۇ باسشىسى قالا اكىمى ەربولات دوسايەۆپەن كەزدەسكەن.
سۋرەت: اسفەندياروۆ اتىنداعى قاز ۇ م ۋ باسپا ءسوز قىزمەتىنەن
Tengrinews.kz
