كارانتين: «قىزىل» ايماقتاعى وڭىرلەردە قانداي شەكتەۋ شارالارى ەنگىزىلمەك
«قىزىل» ايماقتا شەكتەۋ شارالارى دەنساۋلىق ساقتاۋ جۇيەسىنىڭ جۇكتەمەسىنە بايلانىستى ەكى كەزەڭمەن قابىلدانادى. ءبىرىنشى كەزەڭدە - R سانى 1-دەن ارتىق بولعاندا، ياعني اۋرۋدىڭ تارالۋى كۇشەيگەن كەزدە جانە 100 مىڭ تۇرعىنعا شاققاندا اۋرۋحاناعا جاتقىزۋ كورسەتكىشى 25-تەن 50-گە دەيىن بولعاندا بيزنەس شەكتەۋسىز جۇمىس ىستەيدى. وسى ورايدا - مىندەتتى تۇردە ماسكالار جابىق ءۇي- جايلاردا، كولىكتىڭ بارلىق تۇرلەرىندە پايدالانىلادى»، - دەدى ا. عينيات. ونىڭ ايتۋىنشا، اۋرۋدىڭ تارالۋى ورشىگەن جاعدايدا ءبىلىم بەرۋ ۇيىمدارىندا قوسىمشا شەكتەۋلەر ەنگىزىلەدى.
«ەكىنشى كەزەڭدە R- عا قاراماستان، ياعني 100 مىڭ تۇرعىنعا شاققاندا اۋرۋحاناعا جاتقىزۋ كورسەتكىشى 50-دەن استام بولعان كەزدە وبەكتىلەردە «Ashyq» قوسىمشاسى مىندەتتى تۇردە پايدالانىلادى. كوپشىلىك ءىس- شارالاردى وتكىزۋگە بايلانىستى بيزنەس وبەكتىلەرىنىڭ تولىمدىلىعى 50 پايىزعا دەيىن شەكتەلەدى. سونىمەن قاتار ءبىلىم بەرۋ ۇيىمدارىندا قوسىمشا شەكتەۋلەر ەنگىزىلەدى. ۇيىمدار قىزمەتكەرلەرىنىڭ 30 پايىزى قاشىقتان جۇمىس ىستەۋگە اۋىسادى»، - دەدى مينيستر.
ايتا كەتسەك، كوروناۆيرۋستىڭ تارالۋ ماتريتساسىنا سايكەس ازىرگە بىردە- ءبىر ءوڭىر «قىزىل» ايماقتا ەمەس. تەك نۇر- سۇلتان قالاسى عانا «سارىدا». قالعان وڭىرلەر جاسىلدا. بۇدان بۇرىن حابارلانعانداي، مينيستر قىركۇيەك ايىندا كوروناۆيرۋستىڭ تارالۋى تومەندەۋى مۇمكىن ەكەنىن ايتتى.
