قازاقستان شاحماتشىلارى وليمپيادانى جەڭىسپەن باستادى

نۇر-سۇلتان. قازاقپارات - قازاقستان شاحماتشىلارى وليمپيادانى جەڭىسپەن باستادى، دەپ حابارلايدى قازاقپارات Sports.kz رەسۋرسىنا سىلتەمە جاساپ.

قازاقستاننىڭ شاحماتشى قىزدار قۇراماسى ءۇندىستاننىڭ چەنناي قالاسىندا ءوتىپ جاتقان وليمپيادادا وسىمەن ەكىنشى مارتە جەڭىسكە جەتتى. مۇنىڭ الدىندا گۆاتەمالامەن ويناپ، 4-0 ەسەبىمەن جەڭگەن. ەكىنشى راۋندتا قازاق شاحماتشى قىزدارى 3-1 ەسەبىمەن بەلگيادان باسىم ءتۇستى.

بۇل جەڭىستى ءبيبىسارا اساۋبايەۆا مەن نازەركە نۇرعالي اكەلدى، ال جانسايا ابدىمالىك پەن كسەنيا بالابايەۆا ءوز ماتچىن تەڭ اياقتادى.

ەرلەر قۇراماسى تاجىكستاننان جەڭىلىپ قالدى، ەسەپ - 1,5-2,5. كومانداداعى جالعىز جەڭىسكە قازىبەك نوگەربەك قول جەتكىزدى.

ارىستانبەك ورازايەۆ تەڭ ءتۇستى، ال الىشەر سۇلەيمەنوۆ پەن مۇرتاس قاجىعاليەۆ قارسىلاسىنان ۇتىلدى.

ەسكە سالا كەتەيىك، قازاقستان شاحماتشىلارى ءۇندىستاندا وتەتىن وليمپيادادا ۇزدىك ۇشتىككە ەنۋدى جوسپارلاپ وتىر.