مادەنيەت جانە سپورت مينيسترلىگى ءبىلىم گرانتتارى سانىن جاريالادى
اتاپ ايتقاندا، بيىل قازاق ۇلتتىق ونەر ۋنيۆەرسيتەتىنە 275 مەملەكەتتىك ءبىلىم گرانتى بولىنبەك. ونىڭ 204 ى قازاق تىلىندە وقيتىن ستۋدەنتتەر ءۇشىن.
اتالعان وقۋ ورنىنا بولىنگەن گرانتتار:
- مۋزىكا مۇعالىمدەرىن دايارلاۋ - 8؛
- ورىنداۋشىلىق ونەر - 116؛
- رەجيسسۋرا، ارت- مەنەدجمەنت - 19؛
- ديريجيرلىك ماماندىق - 15؛
- تەاتر ونەرى - 24؛
- بەينەلەۋ ونەرى - 28.
مۇگەدەكتىگى بار ادامدار ءۇشىن وقۋعا ءۇش باعىت بويىنشا كۆوتا قاراستىرىلعان. سونداي- اق ۇلتى قازاق، ءبىراق وزگە ەل ازاماتى بولىپ تابىلاتىن ستۋدەنتتەرگە - 12، جەتىم بالالارعا - 3، كوپبالالى وتباسىلاردان شىققان بالالار ءۇشىن - 15، تولىق ەمەس وتباسىلاردان شىققان ستۋدەنتتەرگە - 3 كۆوتا بولىنبەك. بارلىعى - 40 كۆوتا.
ال تەمىربەك جۇرگەنوۆ اتىنداعى قازاق ۇلتتىق ونەر اكادەمياسىندا بيىل مەملەكەتتىك گرانت بويىنشا - 260، كۆوتا بويىنشا - 40 قازاقستاندىق وقي الادى. سونىمەن قاتار قۇرمانعازى اتىنداعى قازاق ۇلتتىق كونسەرۆاتورياسىندا ءبىلىم الۋعا نيەتتى جاستار ءۇشىن - 219 گرانت جانە 31 كۆوتا بولىنبەك.
حالىقارالىق تۋريزم جانە مەيماندوستىق ۋنيۆەرسيتەتى مەملەكەتتىك گرانت شەڭبەرىندە 87 دەنە شىنىقتىرۋ مۇعالىمىن دايارلاماق. بۇعان قوسا، اتالعان جوعارى وقۋ ورنىنا 13 كۆوتا بولىنگەن. سونداي-اق مينيسترلىك بۇيرىعىنىڭ جوباسىندا ماگيستراتۋرا جانە دوكتورانتۋرا باعىتتارى بويىنشا گرانتتار قاراستىرىلعان. بۇيرىقتى اشىق تالقىلاۋ 15-تامىزعا دەيىن جالعاسادى.
