باتىستاعى «قۇرمانعازى»، «يساتاي» مۇناي ايداۋ ستانسيالارىنا ەلەكتر قۋاتى بەرىلدى

اقتاۋ. قازاقپارات - «قۇرمانعازى» جانە «يساتاي» مۇناي ايداۋ ستانسيالارىنا ەلەكتر قۋاتى بەرىلدى. بۇل تۋرالى كاسپي قۇبىر كونسورتسيۋمىنىڭ رەسمي سايتىندا ءمالىم ەتىلدى، دەپ حابارلايدى قازاقپارات.

«29-شىلدە كۇنى «ك ق ك- ك» ا ق- نىڭ «قۇرمانعازى» م ا س مەن «يساتاي» م ا س- كە ەلەكتر قۋاتى بەرىلدى. بۇل مۇناي قۇبىرى نىساندارىن شتاتتىق رەجيمگە شىعارۋعا مۇمكىندىك بەردى»، - دەلىنگەن مالىمەتتە.

ەسكە سالايىق، قولايسىز اۋا رايى جاعدايىنان ەلەكتر جەلىسىنىڭ 7 باعاناسى قۇلاپ، سالدارىنان «ك ق ك- ك» ا ق-نىڭ ءوندىرىس نىساندارى - «قۇرمانعازى» جانە «يساتاي» مۇناي ايداۋ ستانسيالارى ەلەكتر ەنەرگياسىنان اجىراپ قالدى. ستانسالاردىڭ نەگىزگى جابدىعى رەزەرۆتىك كوزدەردەن قۋات الۋعا كوشىرىلدى.

«ايتا كەتەيىك، قالپىنا كەلتىرۋ جۇمىستارىنا پەرسونال مەن «ك ق ك- ك» ا ق مەردىگەرلەرى دەرەۋ كىرىستى. ەلەكتر جەلىلەرىن باسقارۋ بويىنشا «KEGOC» ا ق قازاقستاندىق كومپانياسىنىڭ اپات بريگادالارى بەلسەندى قاتىستى. اتالعان كومپانيا دەربەس قوردان 220 ك ۆ باعانالار ءبولىپ، ونىڭ شۇعىل تيەلۋى مەن جونەلتىلۋىن ۇيىمداستىردى... قازىرگى ۋاقىتتا تەڭىز - نوۆوروسسيسك مۇناي قۇبىرى جەلىسى شتاتتىق رەجيمدە جۇمىس ىستەپ تۇر. مۇناي جۇك جونەلتۋشىلەردىڭ وتىنىمدەرى تولىق كولەمدە قامتاماسىز ەتىلەدى»، - دەلىنگەن كومپانيا سايتىندا.