ماۋسىم ايىندا ۇلتتىق بانكتىڭ جالپى حالىقارالىق رەزەرۆى تومەندەدى

نۇر-سۇلتان. قازاقپارات - بيىل ماۋسىم ايىندا ەلدىڭ جالپى حالىقارالىق رەزەرۆتەرى 83,9 ميلليارد ا ق ش دوللارىن قۇرادى.

بۇل تۋرالى ق ر ۇلتتىق بانكىنەن مالىمدەدى، دەپ حابارلايدى قازاقپارات ءتىلشىسى.

«الدىن الا دەرەكتەر بويىنشا، 2022-جىلعى ماۋسىمدا ۇلتتىق بانكتىڭ جالپى حالىقارالىق رەزەرۆتەرى 2,3 پايىزعا تومەندەپ، 32 ميلليارد ا ق ش دوللارىن قۇرادى. التىن-ۆاليۋتا رەزەرۆتەرى ۇلتتىق بانكتەگى ۆاليۋتالىق شوتتاردان كليەنتتىك قاراجاتتىڭ شىعارىلۋى، سونداي-اق التىن باعاسىنىڭ تومەندەۋ ەسەبىنەن ازايدى»، - دەلىنگەن ۇلتتىق بانك مالىمەتىندە.

2022-جىلعى ماۋسىمنىڭ سوڭىندا ۇلتتىق قوردىڭ شەتەل ۆاليۋتاسىنداعى اكتيۆتەرىن (51,9 ميلليارد ا ق ش دوللارى) قوسا العاندا، ەلدىڭ جالپى حالىقارالىق رەزەرۆتەرى 83,9 ميلليارد ا ق ش دوللارىن قۇرادى. بۇدان بۇرىن حابارلانعانداي، بيىل ماۋسىم ايىندا قازاقستاندا ا ق ش دوللارىن ساتىپ الۋ قارقىنى باسەڭدەدى.