جاعاجاي فۋتبولى: قازاقستان قۇراماسى ەكىنشى رەت ءىرى ەسەپپەن جەڭىسكە جەتتى

كيشينەۆ. قازاقپارات - جاعاجاي فۋتبولىنان قازاقستان قۇراماسى ەۋروليگانىڭ توپتىق كەزەڭىنىڭ ەكىنشى ويىنىندا گرۋزيا كومانداسىن جەڭدى، دەپ حابارلايدى قازاقپارات ق ر فۋتبول فەدەراتسياسىنا سىلتەمە جاساپ.

وسى كۇندەرى مولدوۆا استاناسى كيشينيەۆتە جاعاجاي فۋتبولىنان ەۋروليگا تۋرنيرى ءوتىپ جاتىر.

قازاقستان قۇراماسى توپتىق كەزەڭدەگى ەكىنشى ويىنىن گرۋزيامەن وتكىزىپ، 7:1 ەسەبىمەن جەڭىسكە جەتتى.

قازاقستان - گرۋزيا - 7:1

گولدار: تيۋلپا، مۋرالينوۆ – 2، پەريەۆەرتوۆ – 2، اجىكەنوۆ، مۇرات ۇلى - دياكۆنيشۆيلي؛

ايتا كەتەيىك، قازاقستان قۇراماسى العاشقى كەزدەسۋدە نورۆەگيانى 7:3 ەسەبىمەن ۇتقان بولاتىن. سپورتشىلارىمىز كەلەسى ويىنىن 29- شىلدە كۇنى گرەكيامەن وتكىزەدى. ويىن ەلوردا ۋاقىتىمەن 19:00 دە باستالادى.