تامىز ايىندا قىزىلوردا جانە ماڭعىستاۋ وبلىستارىندا قۇرعاقشىلىق بولادى - قازگيدرومەت
الدىن الا ەسەپ بويىنشا، 2022 -جىلدىڭ تامىزىندا ەلدىڭ سولتۇستىك- باتىسىندا، وڭتۇستىگىندە، وڭتۇستىك- باتىسىندا جانە ورتالىعىندا (جەكەلەگەن ايماقتاردى قوسپاعاندا) ىلعال شارتتارى نەگىزىنەن نورماعا جاقىن بولادى.
قىزىلوردا وبلىسىنىڭ قارماقشى اۋدانىندا، ماڭعىستاۋ وبلىسىنىڭ قاراقيا جانە ماڭعىستاۋ اۋداندارىندا قۇرعاقشىلىق بولادى دەپ بولجانىپ وتىر. سونداي-اق، اقتوبە وبلىسىنىڭ ايتەكە بي جانە مۇعالجار اۋداندارىندا، قاراعاندى وبلىسىنىڭ نۇرا اۋدانىندا، قوستاناي وبلىسىنىڭ امانگەلدى جانە جانگەلدى اۋداندارىندا جاۋىن- شاشىن تاپشىلىعى بولادى.
اقتوبە وبلىسىنىڭ سولتۇستىك جانە باتىس بولىگىندە، اتىراۋ وبلىسىنىڭ قىزىلقوعا اۋدانىندا، باتىس قازاقستان وبلىسىنىڭ سىرىم، كازتالوۆ جانە اقجايىق اۋداندارىندا كەرىسىنشە جاۋىن- شاشىن مول تۇسەدى. سونداي-اق الماتى وبلىسىنىڭ پانفيلوۆ جانە كەربۇلاق اۋداندارى دا ىلعالدان كەندە بولمايدى.
فوتو: i.insider.com
رەداكتور جانات قاپالبايەۆا
