15:07, 28 - شىلدە 2022 | GMT +5
ءتىس دارىگەرى كىر جۋاتىن ماشينادان ۇشاق جاسادى - ۆيدەو
نۇر-سۇلتان. قازاقپارات - تالعارلىق ءتىس دارىگەرى قۋانىش مۇحامەدجانوۆ قىزمەتىن تاستاپ، 6 جىلدان بەرى ارمانىنداعى يدەياسىن جۇزەگە اسىرىپ كەلەدى دەپ حابارلادى حابار تەلەارناسى.
تۇرمىستىق تەحنيكالاردى كادەگە جاراتا بىلگەن شەبەر 30-دان اسا ءمۇسىن قۇراستىرىپتى. ىشىندەگى ەڭ كولەمدىسى - 8 كىر جۋاتىن ماشينا، 4 تەلەديدار، 3 گاز پەشى مەن توڭازىتقىشتان قۇراستىرىلعان ۇشاق. بۇل ارت-ءمۇسىن ءۇشىن جارتى جىل ەڭبەكتەنگەن.
«سوڭعى جىلدارى ءىرى ارت- مۇسىندەر جاساۋعا بەت بۇردىم. ءبىرىنشى اۋە كەمەسىن قۇراستىرۋدى ۇيعاردىم. ونىڭ جوباسى ءاۋ باستا شاعىن بولعان. كەيىن ديزاينىن جەتىلدىرىپ، كولەمىن ۇلكەيتتىم. قۇراستىرۋ جۇمىستارىنا ءۇش ايدان اسا ۋاقىت كەتتى»، - دەيدى ارت- ءمۇسىنشى.
بۇل ونەر شىعىس ازيا مەن باتىس ەلدەرىندە جاقسى دامىپ، تابىس كوزىنە اينالعان.
