اتىراۋ زاۋىتىنداعى اپات مۇناي تاسىمالىنا اسەر ەتكەن جوق - كاسپي قۇبىر كونسورتسيۋمى
قازىرگى ۋاقىتتا كاسپي قۇبىر كونسورتسيۋمى تەڭىز تەرمينالىندا مۇناي جونەلتۋ جۇمىسىن قالىپتى رەجيمدە جۇزەگە اسىرىپ جاتىر، دەپ حابارلايدى قازاقپارات.
بۇل جايىندا كومپانيانىڭ رەسمي سايتىنان ءمالىم بولدى. كەشە اتىراۋ وبلىسىندا اۋا رايىنىڭ قولايسىزدىعىنان (جاڭبىر، نايزاعاي، داۋىل) 220 ك ۆ ەلەكتر جەلىلەرىنىڭ بىرنەشە مۇناراسى قۇلاعان ەدى. سالدارىنان ك ق ك- نىڭ قازاقستان اۋماعىنداعى بىرنەشە وبەكتىسى - «قۇرمانعازى» جانە «يساتاي» مۇناي ايداۋ ستانسيالارى ەلەكتردەن اجىراتىلدى.
ستانسالاردىڭ نەگىزگى جابدىعى رەزەرۆتىك كوزدەردەن قۋات الىپ جاتىر، نىسانداردا توتەنشە جاعداي قاۋپى جوق. سونىمەن قاتار، قالىپتاسقان جاعدايدا سورعى جابدىقتارىن ىسكە قوسۋ تەحنولوگيالىق سەبەپپەن مۇمكىن ەمەس.
قازىرگى ۋاقىتتا «ك ت ك- ك» ا ق جوندەۋ بريگادالارى مەن قازاقستان رەسپۋبليكاسىنىڭ ءتيىستى قىزمەتتەرى تەحنولوگيالىق اقاۋدى جوندەپ جاتىر. ستانسالاردىڭ قالىپتى جۇمىس رەجيمىنە ورالۋى تۋرالى اقپارات قوسىمشا حابارلانادى. ەسكە سالا كەتەلىك، بۇدان بۇرىن اتىراۋ مۇناي وڭدەۋ زاۋىتىندا ەلەكتر قۋاتى ءسونىپ، قوندىرعىلار توقتاتىلعانىن جازعان بولاتىنبىز.
زاۋىتتىڭ قوعاممەن بايلانىس ءبولىمىنىڭ مالىمەتىنشە، «KEGOC» ا ق ەلەكتر قۋاتىن جوسپاردان تىس توقتاتىپ تاستاعان. سونىڭ سالدارىنان اتىراۋ مۇناي وڭدەۋ زاۋىتىندا ەلەكتر قۋاتى بولمادى. وسىعان بايلانىستى زاۋىت جۇمىسى اۆاريالىق جاعدايدا توقتاتىلدى. كەيىن اتىراۋ ەكولوگتارى مۇناي وڭدەۋ زاۋىتى ماڭىندا اۋادان سىناما الىپ جاتقانىن حابارلاعان ەدىك.
ايتا كەتەيىك، اتىراۋ مۇناي وڭدەۋ زاۋىتىندا 26 توننا بەنزين قورى بار. بۇل تۋرالى زاۋىتتىڭ باس ديرەكتورى مۇرات دوسمۇراتوۆ ءمالىم ەتتى.
اۆتور زارينا تۋعانبايەۆا
