قىتاي كومپانياسى تەست شىعارۋعا كىرىستى
تاپسىرىس بەرۋشى - دۇنيەجۇزىلىك دەنساۋلىق ساقتاۋ ۇيىمى. كومپانيا وكىلدەرى تەست ناتيجەسى ءدال شىعادى دەپ سەندىرەدى.
شاو جانبين، بيوتەحنولوگيالىق كومپانيانىڭ باسشىسى:
- پ ت ر تەستى - ۆيرۋستىڭ الدىن الۋدىڭ ەڭ توتە جولى. ونىڭ دالدىگى 95 پايىزدان اسادى. كۇن سايىن وسىنداي تەستىنىڭ 3 ميلليون داناسىن شىعارا الامىز. بارسەلونادا ۆاكتسينالاۋ قارقىندى تۋريستەر كوپ كەلەتىن بارسەلونادا كۇنىنە جۇزدەگەن ادام ۆاكتسينا الىپ جاتىر. كاتالونيادا بۇل ناۋقان وتكەن اپتادا باستالعان. دارىگەرلەر ناۋقاستار اراسىندا لگبت وكىلدەرىنىڭ كوپتىگىن العا تارتادى.
پەپە كولل، مەديتسينا ورتالىعىنىڭ باسشىسى:
- قازىر ۆاكتسينا ءبىرىنشى كەزەكتە ەركەكپەن جىنىستىق قاتىناستا بولعان ەرلەرگە سالىنىپ جاتىر. ويتكەنى مايمىل شەشەگىن جۇقتىرعانداردىڭ كوبى - سولار.
جەرورتادا ۆيرۋس ءورشىدى دۇنيەجۇزىلىك دەنساۋلىق ساقتاۋ ۇيىمى مايمىل شەشەگى جەرورتا تەڭىزىنىڭ شىعىسىنداعى ەلدەردە كوپتەپ تارالىپ جاتقانىن حابارلادى.
بۇعان دەيىن اتالعان ۆيرۋستان 5 ادامنىڭ قايتىس بولعان ەدى.
ايتا كەتەيىك، نەگىزىنەن افريكادا تىركەلىپ كەلگەن مايمىل شەشەگى مامىردان بەرى الەمنىڭ وزگە ەلدەرىنە تەز تارالا باستادى. بۇگىندە 70 مەملەكەتتە 16 مىڭنان اسا دەرەك راستالدى. بىرەر كۇن بۇرىن دۇنيەجۇزىلىك دەنساۋلىق ساقتاۋ ۇيىمى الەمدىك دەڭگەيدە توتەنشە جاعداي جاريالاعان ەدى.
