مەيۆەزەر مەن ماكگرەگور ەكىنشى مارتە كەزدەسۋ وتكىزۋگە كەلىستى
بۇل تۋرالى The Sun حابارلادى.
مەيۆەزەرگە جاقىن دەرەككوزدىڭ اقپاراتى بويىنشا، ەكى سپورتشى جەكە شارتتارى تۋرالى كەلىسىمگە كەلىپتى. ءبىراق ايقاستىڭ قانشا راۋند بولاتىنىنا ءالى كەلىسە الماعان. ماكگرەگور ون راۋندتىق جەكپە-جەك بولعانىن قالاپ وتىر.
«كونور كەزدەسۋگە مەيۆەزەر ءوزىنىڭ كاسىپقوي بوكستاعى رەكوردتىن باسكە تىكسە عانا كەلىسەدى. سوندىقتان كەزدەسۋ رەسمي بولادى. جەكپە-جەك 70,3 كەلى سالماقتا وتەدى. قازىرشە بىزگە بەلگىلىسى وسى.
فلويد سوڭعى رەت شارشى الاڭعا شىعادى. سوندىقتان مۇنى جىبەرىپ الۋعا بولمايدى. كەلىسسوزدەر اياقتالۋعا جاقىن. ەكى تاراپ تا جەكە شارتتارىن كەلىسىپ قويدى. بۇل مەيۆەزەردىڭ سوڭعى شوۋى بولادى. ءيا، فلويد ءوزىنىڭ رەكوردىن باسكە قويادى.
فلويد بۇل ايقاستان كەيىن مەيۆەزەردىڭ ءداۋىرى اياقتالاتىنىن، دجەرۆونتا دەۆيستىڭ كەزەڭى باستالاتىنىن ءبىلىپ تۇر. ول ءوز كارەراسىنداعى ەڭ ۇلكەن ايقاس بولاتىنىن بىلەدى. سونىمەن قاتار، مەيۆەزەر جانكۇيەرلەرگە ەرەكشە ءبىر دۇنيەگە دايىن بولۋىن دا ايتتى. بۇگىنگى تاڭدا تەك كەزدەسۋدىڭ قانشا راۋند بولاتىنىن شەشۋ كەرەك. كونوردىڭ كومانداسى 10 راۋند بولعانىن قالاپ وتىر. جۋىردا كەلىسسوز اياقتالادى» - دەدى دەرەككوز.
ەسكە سالايىق، مەيۆەزەر مەن ماكگرەگور اراسىنداعى ءبىرىنشى كەزدەسۋ 2017-جىلى بوكس ەرەجەسى بويىنشا ءوتىپ، امەريكالىق ونىنشى راۋندتا تەحنيكالىق نوكاۋتپەن جەڭدى.
vesti.kz
