ورتەنگەن جەدەلساتىدا قامالىپ قالعان ايەل ادام قۇتقارىلدى

نۇر- سۇلتان. قازاقپارات - بۇگىن ەلورداداعى ايناكول كوشەسىندەگى ۇيلەردىڭ بىرىندە جەدەلساتى ورتەنىپ، ىشىندە ايەل ادام قامالىپ قالعان، دەپ حابارلايدى قازاقپارات ت ج م باسپا ءسوز قىزمەتىنە سىلتەمە جاساپ.

«بۇگىن، 26 - شىلدەدە ساعات 15:20-دا ەلوردالىق قۇتقارۋشىلار ايناكول كوشەسىندەگى ۇيلەردىڭ بىرىندە جەدەلساتى ورتەنگەنى جونىندەگى حابارلاما بويىنشا شاقىرتۋعا شىقتى. وقيعا ورنىنا دەرەۋ جەتكەن ءورت سوندىرۋشىلەر جەدەل ساتىدا ەلەكتر سىمدارىنىڭ قىسقا تۇيىقتالعانىن انىقتاعان. 12 جانە 13 قابات ارالىعىندا جەدەلساتىنىڭ ىشىندە 1957 -جىلى تۋعان ايەل ادامنىڭ قالىپ قويعانى بەلگىلى بولدى. ءورت سوندىرۋشىلەردىڭ جەدەل ءارى ۇيلەسىمدى جۇمىستارىنىڭ ارقاسىندا ايەل ادام امان- ەسەن جەدەلساتىدان شىعارىلىپ، وعان العاشقى كومەك كورسەتىلدى. ودان كەيىن ول مەديتسينالىق بريگاداعا تاپسىرىلعان. وسىلايشا، ەلوردالىق №10- ءو س ب ءورت ءسوندىرۋ ءبولىمىنىڭ بولىمشە كومانديرى جانات شالتايەۆ پەن ءورت ءسوندىرۋشىسى قۋات قازبەكوۆ ءوز جۇمىستارىن ءمىنسىز اتقارىپ، ادام ءومىرىن ساقتاپ قالدى. جەدەل كورسەتىلگەن كومەك ءۇشىن قۇتقارىلعان ايەلدىڭ قىزى قۇتقارۋشىلارعا ءوز العىسىن ءبىلدىردى»، - دەلىنگەن ۆەدومستۆو مالىمدەمەسىندە.