كولىك سۋ استىنا باتا باستاعان كەزدە نە ىستەۋ كەرەك؟

نۇر-سۇلتان. قازاقپارات - كولىكتىڭ سۋعا باتىپ بارا جاتقان ءساتىن ادەتتە فيلمدەردەن عانا كورەمىز ءارى ودان شىعۋ وڭاي كورىنەدى. ءبىراق شىن مانىندە كولىك سۋعا جىلدام باتادى، ال ادامنىڭ امان شىعۋ ۋاقىتى ساناۋلى عانا.

كولىك سۋعا باتاتىن جاعداي سيرەك كەزدەسسە دە، اپاتتى جاعدايدا نە ىستەۋ كەرەك، بىرگە انىقتايىق.

1. سابىر ساقتاۋ

كۇلكىلى كەڭەس، ارينە. ءبىراق ايقايلاپ، شىڭعىرعاننان جاعداي وزگەرمەيدى. دۇربەلەڭ سالعاندا اقىل-وي ەكىنشى قاتارعا شىعىپ كەتەدى. ناتيجەسىندە بىرنارسە ىستەۋگە كەش بولادى. ونىڭ ۇستىنە ونداي جاعدايدا وتتەگى قورى ازايادى، سايكەسىنشە امان قالۋ مۇمكىندىگى ازايادى.

2. امان قالۋ مۇمكىندىگى العاشقى 2 مينۋت

العاشقى 120 سەكۋند كولىك سۋ استىنا كەتپەي، بەتىندە تۇرادى. سول ۋاقىت ارالىعىندا عانا كولىكتەن شىعۋعا مۇمكىندك بولادى. ەگەر ۇرەي جەڭبەسە، العاشقى 30 سەكۋند تا امان قالۋ ءۇشىن جەتكىلىكتى. قالعان ۋاقىتتا ءتىپتى وزگە جولاۋشىلاردى دا قۇتقارۋعا بولادى.

3. قىسىم بىردەي بولعانىن كۇتپەۋ كەرەك

كولىك سۋ استىنا باتا باستاعان كەزدە ادەتتە ەسىگى اشىلماي قالادى. ونىڭ سەبەبى سىرتقى جانە ىشكى قىسىمنىڭ ايىرماشىلىعىندا. قىسىم تەك كولىك ءىشى سۋعا تولعان كەزدە عانا بىردەي بولادى. سول كەزدە عانا ەسىكتى اشۋعا بولادى.

ءبىراق بۇل تەوريا جۇزىندە عانا. ەگەر تىنىش وتىرىپ، سۋدىڭ تولعانىن كۇتىپ وتىرسا، ادام وتتەگى جەتىسپەۋىنەن نە سۋعا تۇنشىعىپ قالۋى مۇمكىن.

4. ءبىرىنشى تەرەزە ارقىلى شىعۋ

كولىكتىڭ ىشىنە سۋ استىنان باستاپ جينالادى، سول سەبەپتى تەرەزەنى اشىپ ۇلگەرۋگە ۋاقىت بولادى. كەيبىر فورۋمداردا اينەك كوتەرگىش جاساماي قالادى دەگەن اقپارات بار. ءبىراق بۇل ءالى راستالماعان.

5. اينەكتى شاعۋ

بۇگىندە اينەكتى سىندىرۋ وتە قيىن، ويتكەنى كولىك وندىرۋشىلەر اينەكتىڭ ساپاسىن ءبىراز جاقسارتتى. الدىڭعى اينەگىن شاعۋ تۋرالى وي كەلسە، بىردەن ودان باس تارتقان ءجون. ويتكەنى، ول بەرىك قورعانىس قاباتىمەن جابىلعان. ادام ونى شاعامىن دەپ تەك قىمبات ۋاقىتتى، ەنەرگيانى جانە وتتەگىنى بوسقا جۇمسايدى.

ەگەر ارنايى بالعا بولسا، تەرەزە اينەگىنىڭ بۇرىشىن سىندىرۋعا بولادى. بالعا اينەكتى سىندىرىپ قانا قويمايدى، ارنايى كىرىكتىرىلگەن پىشاعى ارقىلى قاۋىپسىزدىك بەلدىگىن كەسىپ، بەلدىكتەن بوساتۋعا بولادى.

وعان تاپسىرىس بەرىپ، كولىكتىڭ الدىڭعى بولىگىندە ساقتاۋدى ۇسىنامىز. ەسكەرەتىن جايت، شىنى سىنعان بويدا كابيناعا سۋ جىلدام قۇيىلا باستايدى.

6. باسقا جولاۋشىلارمەن نە ىستەۋ كەرەك؟

ەگەر جۇرگىزۋشىمەن بىرگە جولاۋشىلار بولسا، الدىمەن ولاردى تىنىشتاندىرۋعا تىرىسۋ كەرەك. كەلەسى ءىس-ارەكەتتى جوسپارىن رەت-رەتىمەن دەرەۋ سيپاتتاۋعا كەڭەس بەرەمىز. پسيحولوگيالىق تۇرعىدان، ادامدار ءىس-ارەكەت تىزبەگىن انىق ەستىسە، الدەقايدا تىنىش بولادى.

ارتقى ورىندىقتا بالالار بولسا، ولاردىڭ بەلبەۋىن شەشىپ، ەرەسەك جانىنا الۋ كەرەك. ويتكەنى ولار جالعىز شەشىم قابىلداي المايدى. كولىكتەن شىققاننان كەيىن بالانى قولعا الىپ، قاتار جۇزەتىنىن ەسكەرىپ، كۇشتى دە سوعان قالدىرۋ كەرەك.

massaget.kz