پوليتسيا استانا اكىمدىگىندە بولعان توبەلەس تۋرالى مالىمەت بەردى

نۇر-سۇلتان. قازاقپارات - پوليتسيا نۇر-سۇلتان قالاسىنىڭ اكىمدىگىندە توبەلەس شىعارعان ايەلدەردىڭ ءىسىن تىركەۋگە الدى، دەپ حابارلايدى قازاقپارات ءتىلشىسى.

«پوليتسياعا 25- شىلدە كۇنى ساعات 11.12 كەزىندە بەيبىتشىلىك كوشەسىندە ورنالاسقان اكىمدىك عيماراتىنا بەيتانىس ايەلدەر كەلىپ، قوعامدىق ءتارتىپتى بۇزعانى، كىرەبەرىستى جاۋىپ، ەر ادامدى ساباعانى تۋرالى حابارلاما كەلىپ ءتۇستى»، - دەپ جازىلعان دەپارتامەنت دەرەگىندە.

وقيعادان كەيىن ەكى جاق ءبىر-ءبىرىنىڭ ۇستىنەن پوليتسياعا ارىزدانعانى بەلگىلى بولدى.

«كيكىلجىڭگە قاتىسۋشىلاردىڭ ەكى تارابىنان ءبىر-بىرىنە شارا قولدانۋ كەرەكتىگى تۋرالى ارىز ءتۇستى.

بۇل فاكتى «سارىارقا» اۋداندىق پوليتسيا باسقارماسىندا تىركەلدى. سوت-مەديتسينالىق ساراپتاما تاعايىندالدى. سونىڭ قورىتىندىسى بويىنشا قولدانىستاعى زاڭناما اياسىندا شارالار قابىلدانادى»، - دەپ جازىلعان دەپارتامەنتتىڭ باسپا ءسوز قىزمەتى ۇسىنعان مالىمەتتە.

ەسكە سالساق، Telegram-كانالداردا ەلوردا اكىمدىگىنىڭ عيماراتىندا «ەر ادامنىڭ كوپبالالى انالاردان تاياق جەگەنى» تۋرالى ۆيدەو تاراعان بولاتىن.