كۇنگە قىزدىرىنۋدىڭ پايداسى مەن زيانى

نۇر-سۇلتان. قازاقپارات - جاز. اعزاڭىز كۇنگە قىزدىرىنۋدى قالايدى. وسى ءۇشىن كەيبىرىمىز مۇقيت اسامىز، قالتامىزدى قاعىپ، جيعان- تەرگەنىمىزدى شاشامىز.

تاياقتىڭ ەكى ۇشى بولادى ەمەس پە؟! ەندەشە، تومەننەن كۇنگە قىزدىرىنۋدىڭ پايداسى مەن زيانىن ءبىلىپ الىڭىز. گيپپوكراتتىڭ بارلىق اۋرۋدىڭ ەمى كۇن دەپ ايتىپ كەتكەنى بەلگىلى. ۋلتراكۇلگىن ساۋلەنىڭ اسەرىنەن تەرى تەز قىزارىپ، ونىڭ زات الماسۋى، قان اينالىمى جاقساراتىن كورىنەدى. تەرىدەگى مينەرال زاتتاردىڭ الماسۋىن قالىپتاستىراتىن «د» دارۋمەنى كوبەيىپ، سىنعىش، ءالسىز سۇيەكتىڭ جەتىلۋىنە، قاجەتتى دارۋمەندى سىڭىرۋگە سەبەپ بولادى. سونداي- اق، ءتىس، تىرناق، شاشقا ەڭ قاجەتتى كالتسيدى الماستىرۋعا كومەكتەسەدى. ەڭ باستىسى، كۇن ساۋلەسى ارقىلى تەرىدەگى ساڭىراۋقۇلاقتى اۋرۋلاردىڭ ميكروبتارىن جويۋعا بولادى. كۇنگە كۇيۋ ءارتۇرلى تەرى اۋرۋلارىن (تەرلەگىشتىك، بەزەۋ تاعى باسقا) ەمدەۋگە پايدالى. قىسقاسى، كۇن ساۋلەسىنىڭ ادام اعزاسىنا پايداسى جەتەرلىك. دەگەنمەن، دارىگەرلەر كۇندە كوپ جۇرۋگە بولمايتىنىن ەسكەرتەدى.

مامانداردىڭ ايتۋىنشا، كۇننىڭ استىندا ۇزاق ۋاقىت ءجۇرۋ سالدارىنان ءتۇرلى تەرى اۋرۋلارى پايدا بولادى. ماسەلەن، فوتودەرماتيت - كۇن ساۋلەسىنەن پايدا بولاتىن اۋرۋ. ادامنىڭ دەنەسىندە بورتپەلەر پايدا بولىپ قىشىپ، مازانى الادى. كوبىنە بەتكە، مويىنعا، قول- اياققا شىعادى. بۇل اۋرۋ ارنايى مامانداردىڭ باقىلاۋىمەن ەمدەلەدى. سونداي- اق، دارىگەرلەردىڭ ايتۋىنشا، كۇن كوزىندە شامادان كوپ قىزدىرىنۋ تەرى وبىرىنا اكەپ سوقتىرادى. اسىرەسە، تەرىسى اققۇبا، سەپكىلگە بەيىم جانداردىڭ كۇن كوزىندە ۇزاق جۇرۋىنە نەمەسە قىزدىرىنۋىنا بولمايدى ەكەن. كۇن ساۋلەسىنىڭ پايداسى دا زيانى دا جەتەرلىك. ەندەشە، «اۋىرىپ ەم ىزدەگەنشە، اۋىرمايتىن جول ىزدەپ» قاتەرلى دەرتكە دۋشار بولماس ءۇشىن قاۋىپسىزدىك شارالارىن ساقتاعانىمىز ءجون.

دەرەككوز: anabol.kz