جەر شارى قانشا ادامدى باعىپ- قاعۋعا قاۋقارلى؟
جەر-انا وسىنشاما حالىقتى اسىراي الا ما الدە جوق پا؟ بۇل ساۋال ءبارىمىزدى مازالايتىنى راس. ەندەشە جاۋابىن بىرگە ىزدەپ كورەيىك.
ماسەلەن، 1979-جىلى ميكروسكوپتى ويلاپ تاپقان عالىم انتوني ۆان ليەۆەنگۋك جەر شارى شامامەن 13,4 ميلليارد ادامدى اسىراۋعا قاۋقارى جەتەتىنىن ايتقان. ال «شولپان» فۋتۋرولوگيالىق جوباسىنىڭ نەگىزىن قالاۋشى، ونەرتاپقىش جاك فرەسكو جەر بەتىندە ءبىر ۋاقىتتا 10 ميلليارد ادام ەمىن-ەركىن ءومىر ءسۇرىپ، توق جۇرە الاتىنىن ايتادى. ءبىراق عالامشاردىڭ رەسۋرسىن اقىلمەن، ويمەن جۇمساۋ كەرەك دەگەندى العا تارتادى.
كەي عالىمدار ءتىپتى جەر شارى 1 تريلليون ادامدى اسىراي الادى دەيدى. بۇل ساۋالعا كەلگەندە، كورىپ تۇرعانىمىزداي، اركىمنىڭ بولجامى ءارتۇرلى.
بيولوگيادا «ورتا سىيىمدىلىعى» دەگەن تۇسىنىك بار. ياعني، بەلگىلى ءبىر تىرشىلىك يەسىنىڭ بەلگىلى ءبىر ورتادا ەمىن-ەركىن ءومىر ءسۇرۋى، بۇكىل رەسۋرستىڭ جەتكىلىكتى ەكەنىن بىلدىرەتىن تۇسىنىك. بۇل تەورياعا سۇيەنسەك، ورتا سىيىمدىلىعى جەر شارىنىڭ قورشاعان ورتاسىنا، ەكولوگياسى مەن رەسۋرسىنا تىكەلەي بايلانىستى دەيدى. ەگەر جەر شارى گۇلدەنىپ، قورى جاقسارسا، وندا ارينە كوپ ادامدى اسىراۋعا قاۋقارى جەتپەك.
ال ەگەر ادام جەر شارىن لاستاۋدى، زيان شەكتىرۋدى توقتاتپاسا، وندا 1 ميلليارد ادامنىڭ ءوزى ءومىر سۇرە الماي قالادى. ادام بۇل ماسەلەگە كەلگەندە ساۋاتتى بولعانى ابزال. جەر بەتىندەگى رەسۋرستاردى (پايدالى قازبا، اۋا مەن سۋ، ەنەرگيا كوزدەرىن، ت. ب.) دۇرىس ورىندى ءارى اقىلمەن پايدالانا بىلسە، وندا ادامزاتتىڭ وركەنيەتى ۇزاق جاسارى انىق.
massaget.kz
