نۇر-سۇلتانداعى ەپيدەميولوگيالىق احۋال «سارى» ايماققا جاقىنداپ كەلەدى - سارحات بەيسەنوۆا

نۇر-سۇلتان. قازاقپارات - نۇر-سۇلتان قالالىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى سارحات بەيسەنوۆا ەلورداداعى ەپيدەميولويالىق جاعداي «سارى ايماققا» جاقىنداپ قالعانىن ايتتى، دەپ حابارلايدى قازاقپارات ءتىلشىسى.

«ەلوردادا جالعاسىپ جاتقان SARS- CoV-2 ۆيرۋسىنىڭ «وميكرون» شتامىنىڭ اينالىمىنا بايلانىستى قالاداعى ەپيدەميولوگيالىق احۋال ناشارلاپ، كۇردەلى كۇيدە قالىپ وتىر. ەگەر 22-ماۋسىم مەن 5-شىلدە ارالىعىنداعى ەكى اپتا ىشىندە 414 جاعداي تىركەلسە، 6-شىلدە مەن 19-شىلدە ارالىعىنداعى ەكى اپتانىڭ ىشىندە كوروناۆيرۋس ينفەكسياسىمەن ناۋقاستانۋدىڭ 3970 جاعدايى تىركەلدى»، - دەدى دەپارتامەنت باسشىسى.

ونىڭ ايتۋىنشا، كەيىنگى ەكى اپتادا قالاداعى سىرقاتتانۋ دەڭگەيى 9,5 ەسە ارتقان.

«تاۋلىگىنە جاڭا جاعدايلاردىڭ سانىن تىركەۋ 586 جاعدايعا جەتتى. ەپيدەميولوگيالىق جاعدايدى باعالاۋدىڭ جاڭا ماتريتساسى بويىنشا، ەلوردامىز «سارى» ايماققا جاقىنداپ كەلەدى»، - دەدى سارحات بەيسەنوۆا.

ايتا كەتەيىك، سوڭعى تاۋلىكتە 1959 ادامنان كوروناۆيرۋس انىقتالدى.