ادامنىڭ ساناسى قانشالىقتى تومەن بولسا، ول مۇرنىن سونشالىقتى اسپانعا شۇيىرەدى- ومار حايام
ونىڭ رۋبايلارىنىڭ ءوزى بولەك اڭگىمە. بۇدان بولەك استرونوميا جانە ماتەماتيكاعا بايلانىستى بىرنەشە ەڭبەگى بار. عۇلامانىڭ ادام، ءومىر تۋرالى 10 ناقىلىنا نازار سالا وتىرىڭىزدار!
* * *
ادامنىڭ ساناسى قانشالىقتى تومەن بولسا، ول مۇرنىن سونشالىقتى اسپانعا شۇيىرەدى.
* * *
ماعان ادامنىڭ كەدەيلىگى ەمەس، ونىڭ ويى مەن جانىنىڭ كەدەيلىگى قىنجىلتادى.
* * *
جۇلىنعان گۇل سىيلانۋى ءتيىس، جازىلا باستالعان ولەڭ - اياقتالۋى، ال سۇيىكتى ايەلىڭ - باقىتتى، ولاي بولماسا، ءالىڭ جەتپەس تىرلىكتى باستاماۋىڭ كەرەك.
* * *
جاس تا وتەر، بىرتە - بىرتە كارى دە وتەر، بايانسىز بۇل جالعاننىڭ ءبارى بەكەر. جاھاندا ماڭگى جاسار جان جوق، ءسىرا، كەتەمىز، كەتتى، كەلەر، تاعى كەتەر.. .
* * *
ءومىر ءسۇرۋدىڭ ەكى زاڭىن بىلگەن ادام باقىتتى بولار. ءبىرى - نە بولسا سونى جەي بەرمەي، ازىعىنا تالعاممەن قارايتىن جان؛ ءبىرى - كىم بولسا، سونىمەن دوس بولماي، اينالىسىنداعى دوستارىن جونىمەن تاڭداي بىلەتىن ادام.
* * *
ەي، كوڭىلىم، سىيلىق كۇتپە بۇل زاماننان قاراڭعى، ۋاقىت وزار بارلىعىنان شاڭ قاپتىرىپ ادامدى. دەرتىڭ ءار ءسات كۇشەيەدى، اۋىرادى تىنىمسىز، كۇتكەنمەنەن مىنا ۋاقىت ەمدەمەيدى جاراڭدى.
* * *
بىرەۋگە رياسىز سەنۋ ونىڭ قولىنا ءوز ەركىڭمەن وتكىر قانجار ۇستاتقانىڭ. لىپىپ تۇرعان قانجارمەن ول سەنى قورعاۋى دا مۇمكىن، باۋىزداۋى دا مۇمكىن.
***
ءبارىن تۇسىندىرۋگە بولادى، ءبىراق بارىنە ەمەس.
***
ومىردە دانا سەكىلدى سۇرگىڭ كەلسە، ەكى باستى قاعيدانى جاتتاپ ال: ءار نارسەنى جەگەنشە، اش قالعان دۇرىس؛ اركىممەن ءومىر سۇرگەنشە، جالعىز بولعان دۇرىس.
***
كوزدەر سويلەي الادى. قۋانىشتان كۇلە دە، جىلاي دا الادى. كوزدەرمەن ەستەن اداستىرۋعا دا، جىلاتا دا الاسىڭ. سوزدەرمەن الداۋعا بولادى، ءبىراق كوزبەن الداۋ مۇمكىن ەمەس. ادامنىڭ كوزدەرىندە تىلسىم كۇش جاتىر.. .
Massaget.kz