وڭتۇستىك كورەيانىڭ ۇلتتىق ۆاليۋتاسى قۇنسىزدانۋدا
ەلدىڭ ورتالىق بانكى ازىق- تۇلىك پەن ماتەريالدار باعاسىنىڭ جىل سايىنعى ءوسۋى شامامەن 5 پروتسەنتتى قۇرايتىنىن ايتتى. بۇل سوڭعى 20 جىلداعى ەڭ جوعارى كورسەتكىش. ساراپشىلار رەسەي- ۋكراينا قاقتىعىسى اياسىندا ينفلياتسيا بيىلعى جىلدىڭ ءۇشىنشى توقسانىندا شارىقتاۋ شەگىنە جەتەدى دەپ بولجاپ وتىر. ءبىر ا ق ش دوللارىنىڭ قۇنى 1300 ۆونعا جەتتى. جەرگىلىكتى ءىرى كومپانيالاردىڭ اكسيالارى دا قۇلدىرادى. وپپوزيتسيالىق پارتيا وكىلدەرى ەكونوميكالىق داعدارىستان قاراپايىم حالىق زارداپ شەگىپ وتىر دەپ ەسەپتەيدى. ال ۇكىمەت بۇقارا حالىقتىڭ ءومىرىن جاقسارتۋدىڭ ورنىنا بايلارعا سالىقتى ازايتۋمەن الەك.
ساراپشىلار بيلىككە حالىقتىڭ وسال توپتارىن قولداۋعا جانە جوعارى ينفلياتسيانى، ونىڭ ىشىندە شيكىزات جەتكىزۋشىلەرىن ءارتاراپتاندىرۋ ارقىلى جۇمسارتۋعا نازار اۋدارۋعا كەڭەس بەرەدى.
شين حۆان دجون، زەرتتەۋ ورتالىعىنىڭ باسشىسى:
- ۇلتتىق ۆاليۋتانىڭ قۇنسىزدانۋىنا ۋكرايناداعى جاعداي جانە جاھاندىق ينفلياتسيانىڭ ءوسۋى اسەر ەتتى. كورەيادا رەسۋرستاردىڭ بارلىعى دەرلىك يمپورتتالادى جانە ينفلياتسيا جوعارى ۆاليۋتا باعامىنا اسەر ەتەدى. سوندىقتان ىشكى تۇتىنۋ ازايادى. جاھاندىق ەكونوميكا ناشارلاپ بارادى، سوندىقتان يمپورت تا باياۋلايدى. وسى جانە باسقا فاكتورلار بىزگە ءبىر ۋاقىتتا اسەر ەتەدى.
www.24.kz
