ىدىس-اياق جۋۋ دەنساۋلىققا پايدالى ەكەنىن بىلەسىز بە؟

اسىرەسە جۇگىرۋ مەن ىدىس-اياق جۋۋ، تاعى باسقا ءۇي شارۋاسىنداعى مىندەتتەر پايدالى ەكەنى انىقتالدى.

زەرتتەۋگە 65 پەن 99 جاس شاماسىنداعى 6 مىڭ ايەل قاتىستى. عالىمدار زەرتتەۋگە قاتىسۋشىلاردىڭ فيزيكالىق بەلسەندىلىكتەرىن ءبىر اپتا بويى فيتنەس- ترەكەرلەر ارقىلى باقىلاپ وتىردى. كەيىن دارىگەرلەر ايەلدەردىڭ دەنساۋلىعىن 3 جىل بويى دا باقىلاۋدا ۇستادى.

جۇرگىزىلگەن تاجىريبەدە كۇنىنە 30 مينۋت ۋاقىتىن فيزيكالىق بەلسەندىلىككە بولگەن ايەلدەردىڭ ءولىمى قوزعالىسى از ايەلدەرگە قاراعاندا %12 عا تومەن بولعاندىعى انىقتالعان. ال كۇندەلىكتى 1 ساعاتتىق جۇكتەمە ءولىم ىقتيمالدىعىنىڭ كورسەتكىشىن %39 عا تومەندەتكەن.

عالىمداردىڭ ايتۋىنشا، فيزيكالىق بەلسەندىلىككە ءۇي شارۋاسىنداعى مىندەتتەر، ونىڭ ىشىندە ءۇي جيناۋ، ىدىس-جۋۋ، سونداي-اق تازا اۋادا سەرۋەندەۋ جاتادى.

«ۇزاق ۋاقىت بويى مۇنداي ارەكەت سالاۋاتتى ءومىر سالتى ءۇشىن جەتكىلىكسىز دەپ ەسەپتەلىپ كەلدى. دەگەنمەن قازىر بىزدە دالەل بار: ءتىپتى ەڭ جەڭىل جۇكتەمە ايەلدەردىڭ كەلەسى 3-4 جىلدا ومىردەن ءوتۋىنىڭ ىقتيمالدىعىن تومەندەتەدى»، دەدى زەرتتەۋدىڭ باس مامانى اندرەا لاكرۋا.