ديماشتىڭ كانادالىق جانكۇيەرلەرى قايىرىمدىلىق شاراسىن ۇيىمداستىردى
«ءبىزدى ديماشتىڭ جاستاردى ۇنەمى قولداپ، كومەكتەسىپ جۇرەتىندىگى ىنتالاندىردى»، - دەيدى جانكۇيەرلەر.
ولار قايىرىمدىلىق شاراسىن ءانشىنىڭ تۋعان كۇنى قارساڭىندا قولعا العان. وسىلايشا، 1000 دوللار (شامامەن 440130 تەڭگە) جينادى.
«قازىرگى ۋاقىتتا جاستار COVID-19 پاندەمياسىنىڭ سالدارىمەن كۇرەسىپ جاتىر جانە ءبىزدىڭ سەنىم تەلەفونىمىزعا ءجيى جۇگىنەدى. 2019-جىلمەن سالىستىرعاندا قوڭىراۋلار سانى 137 پايىزعا ارتتى. سوندىقتان، ءبىز Dears- ءتىڭ بۇل كومەگى ءۇشىن وتە ريزامىز. ءبىز كاناداداعى بىردە- ءبىر بالا قيىن ۋاقىتتا جالعىز قالمايتىنىنا كەپىلدىك بەرەمىز. ءسىزدىڭ كومەگىڭىز بالالاردىڭ ءومىرىن ساقتايدى!» - دەپ العىس ءبىلدىردى Kids Help Phone كومانداسى قازاق ءانشىسىنىڭ جانكۇيەرلەرىنە.
ايتا كەتەيىك، Kids Help Phone - كاناداداعى جالعىز قايىرىمدىلىق ۇيىمى. ول ەل جاستارىنا قۇپيا پسيحولوگيالىق كومەك كورسەتەدى.
ۇيىم اعىلشىن جانە فرانتسۋز تىلدەرىندە، اپتاسىنا جەتى كۇن، تاۋلىك بويى جۇمىس ىستەيدى. وتكەن جىلى ۇيىم كانادانىڭ تۇكپىر-تۇكپىرىندەگى 5 ميلليوننان استام بالاعا كەڭەس بەرگەن.
