ءبىرقاتار وڭىردە كۇن سۋىتىپ، ۇسىك جۇرەدى

نۇر-سۇلتان. قازاقپارات - 7 - مامىردا قازاقستاننىڭ بىرنەشە وڭىرىندە كۇن سۋىتادى، دەپ حابارلايدى قازاقپارات قازگيدرومەتكە سىلتەمە جاساپ.

ماڭعىستاۋ وبلىسىنىڭ سولتۇستىك-شىعىسىندا، كۇندىز وڭتۇستىگىندە، وڭتۇستىك-شىعىسىندا قاتتى جاڭبىر، نايزاعاي، بۇرشاق كۇتىلەدى.

باتىس قازاقستان وبلىسىندا جەل سولتۇستىكتەن، سولتۇستىك-شىعىستان جەل سوعىپ، ەكپىنى 15-20 م/س جەتەدى. تۇندە وبلىستىڭ سولتۇستىگىندە 3 گرادۋس ۇسىك جۇرەدى.

اقتوبە وبلىسىنىڭ وڭتۇستىگىندە نايزاعاي كۇتىلەدى. وبلىستىڭ وڭتۇستىك جارتىسىندا سولتۇستىك- شىعىستان، شىعىستان 15-20 م/س جىلدامدىقپەن جەل سوعادى. تۇندە وبلىستىڭ سولتۇستىگىندە 3 گرادۋس ۇسىك كۇتىلەدى.

7- مامىردا قىزىلوردا وبلىسىنىڭ سولتۇستىگىندە نايزاعاي، داۋىل، كۇندىز وبلىستىڭ ورتالىعىندا شاڭدى داۋىل كۇتىلەدى. جەل سولتۇستىك-شىعىستان، شىعىستان سوعادى، تۇندە وبلىستىڭ سولتۇستىگىندە كۇشى 15-20 م/س، كۇندىز وبلىستىڭ باسىم بولىگىندە 15-20، ەكپىنى 23-28 م/س كۇتىلەدى.

پاۆلودار وبلىسىنىڭ باسىم بولىگىندە، كۇندىز وبلىسىنىڭ سولتۇستىگىندە، شىعىسىندا سولتۇستىك- باتىستان جەل سوعادى، ەكپىنى 15-20 م/س كۇتىلەدى.

اتىراۋ وبلىسىنىڭ شىعىسىندا، وڭتۇستىگىندە قاتتى جاڭبىر، نايزاعاي، شاڭدى داۋىل كۇتىلەدى.

سولتۇستىك-شىعىستان جەل سوعادى، ەكپىنى 15-20، وبلىستىڭ وڭتۇستىگىندە 23-28 م/س. گ.

اتىراۋدا 7- مامىردا نايزاعاي كۇتىلەدى. سولتۇستىك-شىعىستان جەل سوعادى، ەكپىنى 15-20 م/س.

7- مامىردا قوستاناي وبلىسىنىڭ وڭتۇستىگىندە جەل سوعادى، سولتۇستىك-شىعىستان 15-20 م/س كۇتىلەدى.

قاراعاندى وبلىسىنىڭ شىعىسىندا، ورتالىعىندا، كۇندىز باتىسىندا، وڭتۇستىگىندە، ورتالىعىندا نايزاعاي كۇتىلەدى. تۇندە وبلىستىڭ سولتۇستىگىندە تۇمان كۇتىلەدى. سولتۇستىك-شىعىستان جەل سوعادى، تۇندە وبلىستىڭ باتىسىندا، سولتۇستىگىندە، ورتالىعىندا، كۇندىز وبلىستىڭ وڭتۇستىك جارتاسىندا ەكپىنى 15-20 م/س كۇتىلەدى.

الماتى وبلىسىنىڭ تاۋلى جانە تاۋ ەتەگىندەگى اۋداندارىندا نايزاعاي كۇتىلەدى. شىعىستان جەل سوعادى، نايزاعاي كەزىندە ەكپىنى 15-20 م/س.

7- مامىردا تۇندە جانە تاڭەرتەڭ اقمولا وبلىسىنىڭ باتىسىندا تۇمان كۇتىلەدى. سولتۇستىك-باتىستان، سولتۇستىك-شىعىستان جەل سوعادى، تۇندە وبلىستىڭ سولتۇستىك-شىعىسىندا 15-20 م/س جەتەدى. اۋانىڭ تەمپەراتۋراسى تۇندە 1-6 گرادۋسقا دەيىن تومەندەيدى.

جامبىل وبلىسىنىڭ وڭتۇستىگىندە، تاۋلى اۋداندارىندا، نايزاعاي، بۇرشاق، داۋىل سوعادى.

نۇر-سۇلتان قالاسى 7- مامىردا تۇندە توپىراق بەتىندە 2 گرادۋس ۇسىك جۇرەدى.

سولتۇستىك قازاقستان وبلىسىنىڭ سولتۇستىگىندە 15-20 م/س جىلدامدىقپەن جەل سوعادى.