قازاقستاندىقتاردىڭ ورتاشا جالاقى مولشەرى جاڭاردى

«2022 -جىلعى 1-توقساندا ءبىر قىزمەتكەردىڭ ورتاشا ايلىق اتاۋلى جالاقىسى 285433 تەڭگەنى قۇرادى»، - دەلىنگەن ستاتيستيكالىق مالىمەتتە.
2021 -جىلدىڭ ءتيىستى توقسانىمەن سالىستىرعاندا جالاقىنىڭ ەڭ كوپ ءوسىمى قۇرىلىس (%33,7)، مەملەكەتتىك باسقارۋ (%33,1)، كولىك جانە قويمالاۋ (%30,4)، اقپارات جانە بايلانىس (%26,6) سالالارىندا بايقالعان. ءبىلىم بەرۋدە ورتاشا ايلىق جالاقى %21,7، دەنساۋلىق ساقتاۋ جانە حالىققا الەۋمەتتىك قىزمەت كورسەتۋدە %18,1 وسكەن.
سالالار بويىنشا ەڭ جوعارى ەڭبەكاقى:
- تاۋ-كەن ءوندىرۋ جانە كارەرلەردى قازۋ ونەركاسىبىندە - 619,4 مىڭ تەڭگە (ورتاشا رەسپۋبليكالىق دەڭگەيدەن 2,2 ەسە جوعارى)؛
- قارجى جانە ساقتاندىرۋ قىزمەتىندە - 521,1 مىڭ تەڭگە (1,8 ەسە جوعارى)؛
- كاسىبي، عىلىمي جانە تەحنيكالىق قىزمەتتە - 416,4 مىڭ تەڭگە (1,5 ەسە جوعارى)؛
- اقپارات جانە بايلانىس سالاسىندا - 415,5 مىڭ تەڭگە (سايكەسىنشە 1,5 ەسە).
ەڭ تومەنگى جالاقى:
- اۋىل، ورمان جانە بالىق شارۋاشىلىعى قىزمەتكەرلەرىندە - 144,1 مىڭ تەڭگە؛
- ونەر، ويىن- ساۋىق جانە دەمالىس سالاسىندا - 169,6 مىڭ تەڭگە.
وڭىرلەر بويىنشا ەڭ جوعارى ايلىق اتىراۋ وبلىسىندا بەلگىلەندى - 477,9 مىڭ تەڭگە (ورتاشا رەسپۋبليكالىق كورسەتكىشتەن شامامەن 1,7 ەسە جوعارى). ەڭ تومەن ايلىق - سولتۇستىك قازاقستان وبلىسىندا - 203,4 مىڭ تەڭگە (ەل بويىنشا ورتاشا دەڭگەيدەن %28,7 تومەن).