10:25, 03 - مامىر 2022 | GMT +6
ەربول نازاربايەۆ انتيكورداعى قىزمەتىنەن بوساتىلعان
نۇر-سۇلتان. قازاقپارات - ەربول بولات ۇلى نازاربايەۆ انتيكوردا ارنايى دەپارتامەنت باسشىسىنىڭ ورىنباسارى قىزمەتىنەن بوساتىلدى، دەپ حابارلايدى قازاقپارات.
بۇل جايىندا سىبايلاس جەمقورلىققا قارسى قىزمەت ءمالىم ەتتى.
«الەۋمەتتىك جەلىلەردە تاراپ جاتقان ۆيدەوعا بايلانىستى مىنانى حابارلايمىز: 2022 -جىلعى 26-قاڭتاردا اگەنتتىك ءتوراعاسىنىڭ بۇيرىعىمەن ە. نازاربايەۆ اگەنتتىكتىڭ ارنايى دەپارتامەنتى باسشىسىنىڭ ورىنباسارى قىزمەتىنەن بوساتىلدى» دەلىنگەن حابارلامادا.
ال 2022 -جىلعى 14-ساۋىردە ول سىبايلاس جەمقورلىققا قارسى قىزمەت ورگاندارىنان شىعارىلعان. ايتا كەتەيىك، بۇعان دەيىن جەلىدە شامامەن وتكەن جىلدىڭ سوڭىندا تۇسىرىلگەن ۆيدەو تاراعان ەدى. وندا قۇزىرلى ورگاندار تەرەزەسى كولەگەيلەنگەن كولىكتى توقتاتقان. ۆيدەودا ماشينانىڭ رۋلىندە ەربول نازاربايەۆ بولعانى ايتىلادى.
