بەيجىڭدە احمەت بايتۇرسىن ۇلى مەن روزا باعلانوۆاعا ارنالعان شىعارماشىلىق كەش ءوتتى - فوتو
بۇل تۋرالى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى. باسپا ءسوز قىزمەتىنىڭ مالىمەتتەرىنە قاراعاندا، ءىس-شارا اياسىندا قازاق دياسپوراسىنىڭ وكىلدەرى مەن قازاقستاندىق جاس ۇرپاق ءۇشىن ۇلى قازاقستاندىق قايراتكەرلەردىڭ ءومىرى مەن شىعارماشىلىعىنا ارنالعان ءدارىس ۇيىمداستىرىلىپ، قازاق جازۋىنىڭ دامۋىنا ەلەۋلى ۇلەس قوسقان ا. بايتۇرسىن ۇلى تۋرالى دەرەكتى فيلم كورسەتىلدى.
شىعارماشىلىق كەش شەڭبەرىندە ا. بايتۇرسىن ۇلى جانە ر. باعلانوۆانىڭ مەرەيتويلىق كۇندەرىنە ارنالعان پوشتالىق حاتقالتالاردىڭ تۇساۋكەسەرى وتكىزىلدى.
اتالعان حاتقالتالاردى ەلشىلىك قىتايلىق «Beijing Diplomatic Gift Co. Ltd.» كومپانياسىمەن بىرلەسىپ باسىپ شىعاردى.
«ا. بايتۇرسىن ۇلىنىڭ تانىمال شىعارمالارىن ناسيحاتتاپ، ءان شىرقاپ، بي بيلەگەن قازاقستاندىق جانە قىتاي جاستارى مەرەكەلىك ءىس-شاراعا ەرەكشە كوڭىل كۇي سىيلادى»، - دەلىنگەن حابارلامادا.
