جاڭا قازاقستان ادىلەتتىلىك ايماعىنا اينالۋى ءتيىس - توقايەۆ
بۇل تۋرالى قازاقستان حالقى اسسامبلەياسىنىڭ «ەل بىرلىگى - جاڭارعان قازاقستاننىڭ تىرەگى» اتتى 31-سەسسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«جاڭا قازاقستان ادىلەتتىلىك ايماعىنا اينالۋى ءتيىس. ول ءۇشىن زاڭنىڭ ءارىپىن عانا ەمەس، رۋحىن دا ساقتاۋ قاجەت. زاڭ بۇل - دوگما ەمەس. ولار جەتىلدىرىلۋى ءتيىس جانە مۇندا بۇكىل پارلامەنتتىڭ جانە دە ارينە، اسسامبلەيانىڭ ءرولى ۇلكەن. زاڭدار ازاماتتاردى تولعاندىراتىن وزەكتى ماسەلەلەردى شەشۋ ءۇشىن جەتىلدىرىلۋى قاجەت»، - دەدى مەملەكەت باسشىسى.
پرەزيدەنت العا سەرپىلىس جاساۋ ءۇشىن ءساتتى كەزەڭدى كۇتۋدىڭ قاجەتى جوقتىعىن، قازىردەن- اق كىدىرمەستەن ارەكەت جاساۋ كەرەكتىگىن باسا ايتتى.
«ەلىمىزدىڭ تەڭدەسىز بايلىعى ءارى وزگەرىستەردىڭ باستى قوزعاۋشىسى بۇل - ادامدار، ءبىزدىڭ ازاماتتارىمىز. سوندىقتان ءاربىر ازامات وزىنەن باستاۋى ءتيىس. ورتاق ىسكە بارلىق ازامات جۇمىلماي مەملەكەتتىك اپپارات نە بولماسا قانداي دا ءبىر ساياسي شەشىم مەن ەكونوميكالىق تەتىك ءبىزدىڭ ەلدى جاڭارتۋ ماقساتىمىزعا جەتكىزە المايدى. جاڭا قازاقستاندى قۇرۋ ءۇشىن بىزگە دەربەس جانە قوعامدىق قۇنىدىلىقتار جۇيەسىن تولىعىمەن قايتادان فورماتتاۋ تالاپ ەتىلەدى»، - دەدى قاسىم- جومارت توقايەۆ.
اۆتور: مارلان جيەمباي
