پرەزيدەنت جاڭا قازاقستاننىڭ ماعىناسىن ءتۇسىندىردى
بۇل تۋرالى قازاقستان حالقى اسسامبلەياسىنىڭ «ەل بىرلىگى - جاڭارعان قازاقستاننىڭ تىرەگى» اتتى 31-سەسسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«قازىر جاڭا قازاقستاننىڭ نە ەكەنىن ءتۇسىندىرۋ ەرەكشە ماڭىزدى. ءار ازماتتىڭ بۇعان قاتىستى ءوز پايىمى بار ەكەنى تۇسىنىكتى. مەن بۇعان دەيىن ايتقانىمداي، جاڭا قازاقستان دەگەنىمىز بۇل - ادىلەتتى قازاقستان. ونى قۇرۋعا ءارقايسىمىز ءوز ۇلەسىمىزدى قوسۋىمىز كەرەك. جاڭا قازاقستان ناقتى كورسەتكىشتەرى بار جول كارتاسى ەمەس. بۇل مەملەكەت پەن قوعامدى دامىتۋ جۇيەسىن تۇبەگەيلى جاڭعىرتۋ دەگەن ءسوز. بۇل مەملەكەت پەن قوعامدى دامىتۋ جۇيەسىن تۇبەگەيلى جاڭعىرتۋ دەگەن ءسوز دەپ مەن تاعى دا ايتقىم كەلەدى»، - دەدى ق ر پرەزيدەنتى. مەملەكەت باسشىسىنىڭ اتاپ وتۋىنشە، جاڭا قازاقستان - بۇل جىلدام قۇبىلمالى الەمدە ءبىزدىڭ جالپىۇلتتىق بىرەگەيلىگىمىزدى نىعايتاتىن جول.
«جاڭا قازاقستان تۇسىنىگىنىڭ ءوزىن بۇلعاقتاتۋعا مۇلدەم بولمايدى. بىزدە مۇنداي ادەت بار»، - قاسىم-جومارت توقايەۆ.
