14:01, 27 - ءساۋىر 2022 | GMT +5
قازىر بىزدە «تيىسپەۋشىلىك» قۇقىعىنا يە ەشكىم جوق - ءماجىلىس ءتوراعاسى
نۇر- سۇلتان. قازاقپارات – ق ر پارلامەنتى ءماجىلىسىنىڭ ءتوراعاسى ەرلان قوشانوۆ ب ا ق وكىلدەرىنىڭ الماتىداعى «التىن وردا بازارىنىڭ» تاعدىرى تۋرالى سۇراققا بەرگەن جاۋابىندا ەلىمىزدە «تيىسپەۋشىلىك» قۇقىعىنا يە ادام جوق ەكەنىن ءمالىم ەتتى، دەپ حابارلايدى قازاقپارات ءتىلشىسى.

«ەڭ بىرىنشىدەن، الماتى وبلىسىنىڭ اكىمى قانات بوزىمبايەۆتىڭ الماتىداعى «التىن وردا» بازارى تۋرالى سۇحباتىن كورگەن جوقپىن. التىن وردا بازارىنا قاتىستى قازىرگى ۋاقىتتا تەرگەۋ امالدارى ءجۇرىپ جاتىر. مەنىڭشە، ادىلەتتى شەشىم شىعادى. كۇتۋ كەرەك. مەنىڭ ويىمشا، قازىر دەربەس قۇقىعى بار، «تيىسپەۋشىلىك» قۇقىعىنا يە ەشكىم جوق. سول سەبەپتى بازاردىڭ باستىعى نەمەسە جەتەكشىسى بولسىن، قىلمىس جاساسا، ول ءتيىستى جازاسىن الادى»، - دەدى ءماجىلىس سپيكەرى.
اۆتور: ەسىمجان ناقتىباي