قازاقستاندا بولات قۇياتىن ءتورت زاۋىت سالىنادى

2025 -جىلعا دەيىن ەلدە جاڭادان 4 بولات قۇيۋ زاۋىتى، كوكس وندىرەتىن ەكى كاسىپورىن، 5 فەرروقورتپا زاۋىتى ىسكە قوسىلادى. ناتيجەسىندە سىرت ەلدەن 1,2 ميلليارد دوللارعا ساتىپ الاتىن ءونىم وزىمىزدە شىعارىلا باستايدى.
بۇعان قوسا ەكسپورتتىق الەۋەتىمىز دە ارتادى. جوسپار بويىنشا وسى زاۋىتتار كاسىبىن ورگە دومالاتسا، قازاقستان شەت ەلدەرگە 3 ميلليارد دوللارعا تاۋار ەكسپورتتاۋعا مۇمكىندىك الادى. ءتۇستى مەتالل وندىرىسىندە دە 11 جوبا قولعا الىندى.
قايىربەك وسكەنبايەۆ، ق ر يندۋستريا جانە ينفراقۇرىلىمدىق دامۋ ءمينيسترى:
- اليۋميني ءوندىرىسى سالاسى. اليۋمينيدەن ءونىم ءوندىرۋ بويىنشا 6 نەگىزگى جوبانى جۇزەگە اسىرۋ جوسپارلانۋدا. بۇل ەكسپورت كولەمىن 645 ميلليون ا ق ش دوللارىنا ارتتىرۋعا مۇمكىندىك بەرەدى. مىستان دايىن بۇيىمدار شىعاراتىن 3 زاۋىتتىڭ قۇرىلىسى جوسپارلانۋدا. بۇل دا ەكسپورت كولەمىن 200 ميلليون ا ق ش دوللارىنا ۇلعايتۋعا مۇمكىندىك بەرەدى.