سينوپتيكتەر بەس وبلىستىڭ اۋا رايىنا بايلانىستى ەسكەرتۋ جاريالادى

نۇر-سۇلتان. قازاقپارات - قازاقستاننىڭ بەس وبلىسىنىڭ اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

اقمولا وبلىسىنىڭ سولتۇستىك-شىعىسىندا وڭتۇستىك-باتىستان جەل سوعىپ، ەكپىنى 15-20 م/س كۇتىلەدى.

تۇندە شىعىستا، الماتى وبلىسىنىڭ تاۋلى ايماقتارىندا قاتتى جاۋىن-شاشىن (جاڭبىر، قار) بولۋى مۇمكىن.

«قاراعاندى وبلىسىنىڭ باتىسى مەن شىعىسىنا تۇندە تۇمان تۇسەدى. جەزقازعان قالاسىندا تۇندە تۇمان كۇتىلەدى. سولتۇستىك قازاقستان وبلىسىنىڭ شىعىسىندا كۇندىز وڭتۇستىك-باتىستان سوعاتىن جەلدىڭ ەكپىنى 15-20 م/س جەتەدى. تۇركىستان وبلىسىنىڭ تاۋلى ايماقتارىندا نايزاعاي ويناپ، كوكتايعاق بولادى. شىعىستان سوعاتىن جەلدىڭ ەكپىنى - 15-20 م/س»، - دەپ جازدى ۆەدومستۆو.