مەملەكەت بەرگەن سۋبسيدياعا تۋعان- تۋىستاردىڭ پاتەرىن جالداۋعا بولمايدى - وتباسى بانك

نۇر- سۇلتان. قازاقپارات - وسىعان دەيىن باسقا سانات بويىنشا ءۇي كەزەگىندە تۇرعان كەي قازاقستاندىقتارعا جاڭادان باستالعان جالعا بەرىلەتىن باسپانا سۋبسيدياسىن الۋعا رۇقسات بەرۋ مۇمكىندىگى قارالادى.
None
None

بۇل تۋرالى وتباسى بانك اق باسقارما ءتوراعاسى ءلاززات يبراگيموۆا ءمالىم ەتتى، دەپ حابارلايدى قازاقپارات ءتىلشىسى.

«باعدارلاما ەرەجەسىنە سايكەس، سۋبسيديا العان ازاماتتارعا وتباسى مۇشەسى نەمەسە جاقىن تۋىستارىنىڭ پاتەرىن جالعا الۋعا بولمايدى. بۇل شارا اتالعان باعدارلامانىڭ اشىقتىعىن قامتاماسىز ەتۋ جانە بولىنگەن قارجىنىڭ ماقساتتى جۇمسالۋى ءۇشىن قابىلدانىپ وتىر. وتكەن اپتادا نۇر- سۇلتان قالاسىندا ۇلكەن ۇيىم ۇجىمىمەن كەزدەستىم. «باقىتتى شاڭىراق» دەپ اتالاتىن ۇيىمدا 50 گە جۋىق وتباسى ەرەكشە جانە مۇگەدەك بالالاردى تاربيەلەپ وتىر. اتا- انالاردىڭ ايتۋلارىنشا، كوپ جاعدايدا ەرەكشە بالا بولعاندىقتان پاتەر يەلەرى ولارعا جالعا بەرگىسى كەلمەيدى ەكەن. وسى ورايدا ولار جاقىن تۋىستارىنىڭ پاتەرىن جالداۋعا رۇقسات سۇراپ وتىر»، - دەدى ءلاززات يبراگيموۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي- اق، بانك باسشىسى جۋىردا باستالعان جالعا بەرىلەتىن تۇرعىن ءۇي سۋبسيدياسىن بەرۋگە قاتىستى وزگەرىستەردىڭ بولۋى مۇمكىندىگىن ايتتى.

«كەيبىر ەرەكشە نەمەسە مۇگەدەك بالا تاربيەلەپ وتىرعان وتباسىلار كەزىندە تۇرعىن ءۇي كەزەگىنە تۇرعان. مىسالى، تولىق ەمەس وتباسى دەگەن سانات بويىنشا باسپانا كەزەگىندە تۇرعاندار بار. ال جالعا بەرىلەتىن تۇرعىن ۇيگە سۋبسيديا الۋشىلار قاتارىنا تولىق ەمەس وتباسى ساناتى كىرمەيدى. ەندىگى ۋاقىتتا اتالعان ساناتقا جاتاتىن وتباسىلار جالعا بەرىلەتىن تۇرعىن ۇيگە سۋبسيديا الۋ باعدارلاماسىنا قاتىسۋعا رۇقسات بەرۋىن سۇراپ وتىر. ءبىز اتالعان ۇسىنىستى قاراستىراتىن بولامىز. ياعني يندۋستريا جانە ينفراقۇرىلىمدىق دامۋ مينيسترلىگىمەن بىرگە قاراپ، قوعام تالقىسىنا سالماقپىز»، - دەيدى ول.

بۇعان دەيىن حابارلاعانىمىزداي، جالعا بەرىلەتىن تۇرعىن ۇيگە سۋبسيديا الۋدىڭ رەتى ءتۇسىندىرىلدى. ودان بولەك، ەرتەڭ 23 مىڭ قازاقستاندىق جالعا بەرىلەتىن تۇرعىن ۇيگە سۋبسيديا الۋعا شاقىرتۋ الادى.

سوڭعى جاڭالىقتار