تۇركيادا ۆەدومستۆولىق اۆتوبۋس جارىلدى

انكارا. قازاقپارات - ەلدىڭ باتىسىنداعى بۋرسا پروۆينتسياسىندا تۇركيا ءى ءى م قىزمەتكەرلەرى مىنگەن كولىك قۇرالى جارىلىپ كەتتى.
None
None

ءبىر ادام قازا تاپتى، جاراقاتتانعاندار بار، دەپ حابارلايدى قازاقپارات مەنشىكتى ءتىلشىسى «Anadolu Ajansى» اگەنتتىگىنە سىلتەمە جاساپ.

مامانداردىڭ بولجامىنشا، تەرگەۋ يزولياتورىنىڭ قىزمەتكەرلەرى وتىرعان اۆتوبۋستى جارۋعا قولدان جاسالعان جارىلعىش زات قولدانىلعان.

ول ەلەكتر باعانىنىڭ تۇبىنە قويىلىپ، اۆتوبۋس وتە بەرگەندە ىسكە قوسىلادى. قاشىقتىقتان باسقارۋ ارقىلى جارىلۋى دا مۇمكىن. كولىكتە 30 عا جۋىق ادام بولعان. ءبىر قىزمەتكەر قايتىس بولدى.

جاراقات العان ءتورت ادامنىڭ بىرەۋى اۋىر حالدە. اۆتوبۋستىڭ وزگە ەكى جولاۋشىسى العاشقى مەديتسينالىق كومەك كورسەتىلگەننەن كەيىن اۋرۋحاناعا جاتۋدان باس تارتتى.

اتالعان فاكتى بويىنشا قىلمىستىق ءىس قوزعالىپ، تەرگەۋ شارالارى جۇرگىزىلىپ جاتىر. قۇقىق قورعاۋ ورگاندارى لاڭكەستىك شابۋىل نۇسقاسىن دا جوققا شىعارمايدى.

ەسكە سالا كەتەيىك، ەكى كۇن بۇرىن تۇركيا يراكتىڭ سولتۇستىگىندە كۇردىستان جۇمىسشى پارتياسى مەن سيرياداعى ي م تەرروريستىك ۇيىمىنا (قازاقستاندا تىيىم سالىنعان - رەد.) قارسى كەزەكتى ارنايى وپەراتسيانى باستاعان بولاتىن.

سوڭعى جاڭالىقتار