جىلقىنىڭ قازاق جەرىندە قولعا ۇيرەتىلگەنىن دالەلدەگەن عالىم ومىردەن وزدى

قارالى حاباردى ق ر مادەنيەت جانە سپورت مينيسترلىگىنىڭ باسپا ءسوز قىزمەتى راستادى.
ۆيكتور فەدوروۆيچ زايبەرت 1947 -جىلى سولتۇستىك قازاقستان وبلىسىنىڭ ەسىل اۋدانىنا قاراستى نيكولايەۆكا اۋىلىندا دۇنيەگە كەلگەن. سولتۇستىك قازاقستان اۋماعىنداعى تاس ءداۋىرىنىڭ ەسكەرتكىشتەرىن زەرتتەۋ سالاسىنداعى مامان بىرنەشە عىلىمي جاڭالىقتار مەن سولتۇستىك قازاقستاننىڭ ەجەلگى تاريحىنا ارنالعان 100-دەن استام كىتاپ پەن ماقالا جازعان.
ۆيكتور فەدوروۆيچ- تاريح عىلىمدارىنىڭ دوكتورى، ارحەولوگيا پروفەسسورى، بەرلين قالاسىنداعى گەرمان ارحەولوگيالىق ينستيتۋتىنىڭ جانە ق ر الەۋمەتتىك عىلىمدار اكادەمياسىنىڭ كوررەسپوندەنت مۇشەسى، ق ر مادەنيەت جانە سپورت مينيسترلىگى مادەنيەت كوميتەتىنىڭ «بوتاي» مەملەكەتتىك تاريحي- مادەني مۋزەي- قورىعى» ر م ق ك- ءنىڭ عالىم حاتشىسى بولدى.
قوعامداعى ءوزارا كەلىسىمدى ساقتاۋ جونىندەگى جەمىستى جۇمىسى، حالىقتار اراسىنداعى بەيبىتشىلىكتى، دوستىق پەن ىنتىماقتاستىقتى نىعايتۋعا سىڭىرگەن ەڭبەگى ءۇشىن Ⅱ دارەجەلى «دوستىق» وردەنىمەن ماراپاتتالعان. عالىم ءومىرىنىڭ 40 جىلدان استام ۋاقىتىن قازاقستان جانە بۇكىل ەۋرازيا قۇرلىعىنىڭ ەجەلگى تاريحىن زەرتتەۋگە جۇمساعان. دۇنيەجۇزىندە ءبىرىنشى بولىپ، سولتۇستىك جانە ورتالىق قازاقستان دالالارىندا ب. ە. د. IV ع. جىلقى مالىنىڭ قولعا ۇيرەتىلگەنىن عىلىمي تۇردە دالەلدەگەن.
اۆتور: مارلان جيەمباي